Código | CIAP2 | Problema clínico | Exploración | Recomendación [Grao] | Comentario | Dose |
---|---|---|---|---|---|---|
N01 | K81 K92 K99 | Enfermidade asintomática da carótide (Véxase tamén B05) |
Tratamento endovascular (anxioplastia e endoprótese) | Indicada só en circunstancias específicas [C] | A revisión crítica da literatura mostra que son necesarios máis estudos. | III |
N02 | K81 K92 K99 | Enfermidade sintomática da carótide | Anxioplastia percutánea con balón e colocación de endopróteses (stents) | Indicada só en circunstancias específicas [B] | O tratamento recomendado para a maioría dos pacientes segue sendo a endarterectomía. As potenciais indicacións para o tratamento endovascular inclúen casos nos que non é apropiado realizar unha endarterectomía, post- radioterapia, restenose cirúrxica, lesións altas ou circunstancias nas que o tratamento está sendo revisado de forma pormenorizada ou é parte dunha investigación formal nunha unidade con experiencia. | III |
N03 | K93 | Embolismo pulmonar | Inserción dun filtro de vea cava inferior | Indicada só en circunstancias específicas [B] | Ante a presenza dunha trombose venosa de membro inferior ou pélvica, a inserción dun filtro de vea cava inferior só está indicada se hai embolismo pulmonar demostrado, a pesar dunha anticoagulación axeitada, ou cando a anticoagulación está contraindicada. | II |
N04 | K82 K99 | Malformación arteriovenosa pulmonar | Anxiografía pulmonar e embolización | Exploración especializada [B] | Un prerrequisito para realizar outras intervencións diagnósticas durante o tratamento por embolización. | III |
TC | Exploración especializada [B] | Pode ser útil para o diagnóstico de malformacións arteriovenosas pulmonares. Normalmente só se necesita unha exploración helicoidal sen contraste. Algúns servizos recomendan esta proba antes que o tratamento por embolización co fin de medir os vasos nutrientes e estudar a anatomía. | III | |||
RXT | Indicada [B] | A RXT está indicada cando se sospeita este diagnóstico e para avaliar a resposta ao tratamento. A avaliación de seguimento realízase inicialmente aos seis meses ou anualmente dende a embolización e despois cada cinco anos se non crece. A RXT tamén está indicada como proba de cribado para os familiares dos pacientes con malformacións arteriovenosas pulmonares asociadas con telanxiectasia hemorráxica hereditaria. | 0 | |||
RM cerebral | Exploración especializada [C] | Para buscar evidencias dunha embolización cerebral paradóxica previa en pacientes con diagnóstico de malformación arteriovenosa pulmonar. A RM úsase tamén para buscar evidencias de malformacións arteriovenosas cerebrais en pacientes con telanxiectasia hemorráxica hereditaria. | 0 | |||
RM torácica | Exploración especializada [C] | É unha alternativa á TC de tórax, para confirmar o diagnóstico de malformacións arteriovenosas pulmonares. A RM torácica pode ser útil para o diagnóstico, pero non é necesaria na maioría dos pacientes. | 0 | |||
MN | Exploración especializada [B] | A gammagrafía por perfusión realízase con macroagregados marcados con Tc para medir o curtocircuíto dereita a esquerda. É útil para o diagnóstico e a avaliación de seguimento tras o tratamento. | II | |||
Ecografía | Exploración especializada [C] | No momento actual é só unha ferramenta de investigación. A ecografía Doppler das carótides ou das cavidades do corazón realízase despois dunha inxección IV de solución salina axitada ou de contraste ecográfico para establecer a presenza de curtocircuíto de dereita a esquerda. É útil para o diagnóstico. | 0 | |||
N05 | K99 | Aneurisma da aorta abdominal | Inserción de endopróteses (stents)-enxertos | Intervención especializada [B] | A reparación endovascular dos aneurismas de aorta abdominal é un procedemento que só debe realizarse en unidades especializadas. | III |
N06 | K92 | Isquemia de membro inferior (claudicación, dor en repouso con ou sen úlceras) con estenose ilíaca | Anxioplastia primaria con endoprótese (stent) selectiva | Indicada [A] | A decisión de colocar un stent tras unha anxioplastia depende de varios factores, un dos cales é un gradiente de presión residual ao longo da zona tratada. O gradiente de presión exacto tras unha ATP que indica se colocar un stent, é descoñecido. En xeral, un gradiente de presión medio de 10 mm Hg considérase apropiado. | III |
N07 | K92 | Isquemia de membro inferior (claudicación, dor en repouso con ou sen úlceras) con oclusión ilíaca | Colocación dun stent ilíaco | Indicada [B] | Está aceptada a política de colocación primaria dun stent en caso de enfermidade ilíaca oclusiva. | III |
N08 | K92 | Isquemia de membro inferior (claudicación, dor en repouso con ou sen úlceras) con enfermidade oclusiva femoral | Anxioplastia da arteria femoral superficial / poplítea | Indicada [B] | A ATP da arteria femoral superficial ou poplítea é efectiva para a repermeabilización a corto prazo, pero pode realizarse unha repetición da anxioplastia para evitar a necesidade de derivación cirúrxica. Os índices de éxito clínico primario son inferiores aos da derivación cirúrxica. | III |
N09 | K92 | Isquemia de membro inferior (claudicación, dor en repouso con ou sen úlceras) con enfermidade oclusiva tibio-peronea | Anxioplastia do tronco tibio-peroneo | Indicada [B] | Cando hai unha lesión accesible no tronco tibioperoneo, a anxioplastia debe ser o tratamento de elección en pacientes con isquemia importante e claudicación. | III |
N10 | D14 D16 | Hemorraxia gastrointestinal aguda grave de orixe descoñecida que require unha transfusión continua | Endoscopia / ASD con ou sen embolización | Intervención especializada [C] | A prioridade é estabilizar ao paciente. A endoscopia é a proba de elección. Se a endoscopia é negativa ou fracasa, hai que proceder inmediatamente a unha ASD e a unha embolización. Non obstante, o paciente debe estar a sangrar activamente posto que a extravasación con contraste é o único signo diagnóstico para localizar a orixe. Se a embolización fracasa, hai que proceder a cirurxía. |
0 / III |
N11 | K99 | Hemorraxia varicosa | TIPS | Indicada só en circunstancias específicas [A] | A terapia endoscópica debe ser o tratamento de elección para varices que sangran, e a TIPS (derivación portosistémica intrahepática transxugular) resérvase para os fallos do tratamento. A cirurxía de derivación portosistémica é máis duradeira e pode ser preferible en pacientes aptos. | III |
N12 | D29 D97 | Ascite debida a hipertensión portal | TIPS | Indicada só en circunstancias específicas [B] | A TIPS ten unha eficacia limitada e está asociada cunha considerable mortalidade, especialmente en enfermidades hepáticas de grao C de Child e/ou insuficiencia renal. | III |
N13 | D16 | Hemorraxia gastrointestinal inferior aguda e masiva | ASD e/ou embolización | Indicada [B] | A ASD e a embolización son seguras e efectivas cando a hemorraxia gastrointestinal ameaza a vida do paciente. | III |
N14 | D14 | Hemorraxia gastrointestinal superior crónica ou recorrente (Véxase tamén G05) |
ASD e/ou embolización | Intervención especializada [C] | Só debe realizarse despois das exploracións por imaxe apropiadas. As perdas de sangue recorrentes poden avaliarse con ASD e/ou MN (glóbulos vermellos). | III |
N15 | D99 | Isquemia mesentérica crónica | ATP da arteria mesentérica superior / colocación dun stent na arteria mesentérica superior | Indicada [B] | En pacientes coidadosamente seleccionados pódese realizar unha ATP da arteria mesentérica de forma relativamente segura con bos resultados técnicos e clínicos. A colocación dun stent na arteria mesentérica superior pode mellorar o resultado da anxioplastia e pode chegar a ser a terapia de elección para a estenose da arteria mesentérica superior no ostium. | III / III |
N16 | D24 | Absceso subfrénico | Drenaxe percutánea do absceso subfrénico guiado por ecografía ou TC | Indicada [C] | A ecografía é a mellor técnica para a drenaxe de abscesos subfrénicos, porque permite un acceso apropiado e imaxes a tempo real. A TC tamén pode servir porque pode proporcionar un mapa máis detallado, incluída unha localización precisa do espazo pleural. | 0 / III |
N17 | X74 | Absceso pélvico | Drenaxe con catéter guiado por TC ou ecografía | Indicada [B] | As vías percutáneas transperineal, transciática, transrectal e transvaxinal son todas efectivas para o tratamento do absceso pélvico. A presenza dunha fístula entérica é un factor de risco para o fracaso. | III / 0 |
N18 | D81 D98 | Obstrución biliar alta (condutos biliares intrahepáticos ou metade superior do conduto biliar extrahepático) | Colanxiografía percutánea transhepática | Indicada [B] | A elección da vía endoscópica ou transhepática para a colanxiografía dependerá dos especialistas locais. Non se recomenda a drenaxe percutánea como unha opción a longo prazo debido a problemas do catéter, como fugas, desprazamentos ou colanxite. Para unha reconstrución cirúrxica a colanxiografía percutánea transhepática pode ser máis útil que a colanxiografía endoscópica retrógrada, posto que determina a anatomía da árbore biliar proximal. | III |
N19 | D81 D98 | Obstrución biliar baixa (metade inferior do conduto biliar extrahepático ou conduto pancreático) | Colanxiografía percutánea transhepática | Indicada [B] | A elección dunha colanxiografía retrógrada endoscópica ou transhepática dependerá dos especialistas locais. | III |
N20 | D98 | Colecistite aguda litiásica ou alitiásica actual ou sospeitada | Colecistostomía percutánea transhepática ou transperitoneal | Indicada [B] | A colecistostomía percutánea transhepática ou transperitoneal é apropiada para o diagnóstico e para o tratamento en caso de sospeita ou existencia de colecistite litiásica ou alitiásica en pacientes de alto risco. | III |
N21 | K86 K87 | Hipertensión debida a displasia fibromuscular | ATP renal con ou sen stent | Indicada [B] | A ATP renal debe ser realizada nun centro especializado. | III |
N22 | U99 + K87 | Hipertensión debida a estenose ateroesclerótica das arterias renais | ATP renal con ou sen stent | Indicada só en circunstancias específicas [A] | A hipertensión debida a estenose ateroesclerótica das arterias renais debe ser tratada con terapia médica. A ATP con stent pode ser beneficiosa para pacientes con hipertensión incontrolable. | III |
N23 | U99 | Fallo renal debido a estenose ateroesclerótica das arterias renais | ATP renal con ou sen stent | Indicada só en circunstancias específicas [B] | Non se determinaron as indicacións para a ATP renal con stent. Estes procedementos só deben realizarse tras unha coidadosa selección dos pacientes en centros especializados. | III |
N24 | U99 + K77 | Edema agudo de pulmón debido a estenose ateroesclerótica das arterias renais | ATP renal con ou sen stent | Indicada [B] | A ATP renal con stent debe considerarse en pacientes con edema pulmonar recorrente con estenose severa bilateral das arterias renais ou estenose nun ril único. | III |
N25 | U95 | Cálculos renais | Nefrolitotomía percutánea | Indicada [C] | A nefrolitotomía percutánea está xeralmente aceptada como tratamento de elección para cálculos renais de 3 ou máis centímetros de diámetro, así como para certas anomalías anatómicas, como os divertículos caliciais e riles ectópicos/rotados, e en pacientes con obesidade mórbida, cando outros tipos de tratamento fallaron. | III |
N26 | K99 | Varicocele | Embolización do varicocele | Indicada [A] | A embolización é eficaz para o tratamento do varicocele, tanto para a subfertilidade ou para os síntomas, e está asociada a menos complicacións que a cirurxía. | III |
N27 | A81 + D99 | Traumatismo abdominal con sangrado gastrointestinal agudo con ou sen hemorraxia retroperitoneal ou intraperitoneal (Véxase tamén K34-K37) |
ASD / embolización | Intervención especializada [C] | Debe realizarse cando o paciente está estable. O paciente debe estar a sangrar activamente posto que a extravasación con contraste é fundamental para localizar a localización da hemorraxia con ASD. A embolización ou cirurxía debe realizarse a continuación segundo o que sexa máis axeitado. | III |
N28 | L76 + A82 | Embolización para unha hemorraxia incontrolada despois dunha fractura pélvica | Embolización pélvica | Indicada [A] | Os pacientes con fractura pélvica que permanecen hemodinámicamente inestables tras unha reanimación inicial deben someterse a unha anxiografía pélvica de diagnóstico con embolización se se identifica o punto de hemorraxia arterial. | III |
N29 | R84 R85 R86 R92 | Masa pulmonar: diagnóstico | Biopsia pulmonar con fluoroscopia | Intervención especializada [B] | Unha biopsia do pulmón con control de escopia en casos convenientemente seleccionados e levada a cabo por expertos ten un índice de complicacións baixo e un alto rendemento diagnóstico de malignidade pulmonar. | III |
Biopsia pulmonar guiada por TC | Intervención especializada [B] | A biopsia guiada por TC é un medio preciso de obter un diagnóstico de tumor benigno ou maligno (se se utiliza agulla de corte) en pacientes con nódulos pulmonares grandes ou pequenos. | III | |||
Biopsia pulmonar guiada por ecografía | Intervención especializada [B] | Para pacientes convenientemente seleccionados con lesións pulmonares contiguas á parede torácica, a biopsia guiada por ecografía é un método seguro e preciso para obter o diagnóstico histolóxico. | 0 | |||
N30 | R85 R99 | Masa mediastínica (non vascular) | Biopsia guiada por TC | Intervención especializada [B] | A TC serve de guía para a biopsia das masas mediastínicas anteriores, medias e posteriores. | III |
Biopsia guiada por ecografía | Intervención especializada [B] | A biopsia guiada por ecografía é segura e precisa para a maioría das masas mediastínicas anteriores. Pode ser de utilidade a utilización de rutas alternativas á paraesternal como por exemplo a supraclavicular. | 0 | |||
N31 | K99 + TUMOR PRIMITIVO | Obstrución da vea cava | Colocación de stent na vea cava superior (VCS) / na vea cava inferior (VCI) | Intervención especializada [B] | Os pacientes con obstrución maligna na VCS / VCI adoitan estar débiles e teñen unha esperanza de vida curta. Os seus síntomas son preocupantes e non adoitan mitigarse completamente coa radioterapia. A colocación do stent na VCS / VCI é un proceso paliativo levado a cabo baixo anestesia local. Despois da colocación do stent, moitos pacientes permanecen asintomáticos. Os síntomas son recorrentes en arredor dun 10% dos pacientes e adoitan ser susceptibles de repetir o tratamento. Recoméndase acudir ao especialista dende o primeiro momento, posto que a trombose venosa extensa complica o tratamento. A colocación do stent debe ser o tratamento de elección para a obstrución maligna da VCS / VCI debida a cancros que non responden rapidamente á quimioterapia ou á radioterapia. Debe pensarse noutras alternativas á colocación dun stent (anxioplastia e cirurxía) en pacientes con estenoses benignas e naqueles cunha longa esperanza de vida. | III |
N32 | CIE | Gastrostomía percutánea para nutrición enteral | Gastrostomía percutánea | Intervención especializada [B] | Hai pouco qué elixir entre unha colocación dos catéteres de gastrostomía percutánea e endoscópica. A técnica elixida dependerá da dispoñibilidade dos especialistas locais. | III |
N33 | D77 D97 | Lesión(s) focal(s) hepática(s) que requiren unha biopsia | Biopsia guiada por TC / ecografía | Indicada [B] | Presupóñense índices normais de coagulación. A elección da exploración por imaxe que sirva de guía dependerá dos especialistas locais. | III / 0 |
N34 | D77 | Tumores hepáticos irresecables | Ablación por radiofrecuencia | Intervención especializada [B] | A ablación por radiofrecuencia debe usarse en pacientes cun número pequeno de tumores hepáticos accesibles non apropiados para unha resección hepática. | III |
N35 | D77 D97 A79 TUMOR PRIMARIO | Hepatoma primario e metástases hepáticas | Ablación por radiofrecuencia / Quimioembolización hepática |
Indicada [B] | A ablación por radiofrecuencia está indicada en hepatomas primarios e metástases hepáticas. Para a ampla maioría de metástases hepáticas é máis eficaz que a quimioembolización. A quimioembolización hepática ten un importante efecto antitumoral, pero este está contrarrestado pola descompensación hepática debida á embolización de fígado non tumoral. Unha quimioembolización selectiva debería minimizar os efectos colaterais deste tratamento. A quimioembolización foi utilizada tamén como tratamento paliativo en tumores neuroendocrinos e sarcoma metastático. | III / III |