| Código | CIAP2 | Problema clínico | Exploración | Recomendación [Grao] | Comentario | Dose |
|---|---|---|---|---|---|---|
| I01 | W41 W78 W79 W80 W84 | Detección sistemática no embarazo | Ecografía | Indicada [B] | O estudo no primeiro período do embarazo (9-13 semanas) pode servir para calcular de forma precisa as semanas de embarazo se se mide a distancia entre a cabeza e o cóccix do feto. Isto reduce o índice de intervención de neonatos a termo e postermo. A ecografía dá información precisa acerca do número de fetos e da corionicidade, e mellora os resultados en casos de embarazos múltiples. O cribado sistemático de anomalías estruturais ás 18-20 semanas non se veu que altere a mortalidade perinatal, agás en casos de interrupción electiva do embarazo por anomalía fetal grave. Tamén demostrou a súa eficacia para avaliar a placenta previa e un retraso no crecemento intrauterino. Na atención especializada de embarazos de alto risco, a ecografía Doppler é esencial para levar a cabo de forma segura intervencións ou procedementos terapéuticos, tales como a amniocentese, a toma de mostras de sangue fetal e as transfusións durante o embarazo. | 0 |
| I02 | W01 | Sospeita de embarazo | Ecografía | Indicada só en circunstancias específicas [C] | Non está indicada a comprobación dun embarazo a través dunha ecografía, se non é para calcular as semanas do mesmo. A ecografía está indicada se existen síntomas como dor ou hemorraxia vaxinal ao principio do embarazo. O test de embarazo é a proba máis axeitada. | 0 |
| I03 | W01 W80 | Sospeita de embarazo ectópico | Ecografía | Indicada [B] | Despois dun test de embarazo positivo. A ecografía transvaxinal é máis precisa. O Doppler-cor incrementa a sensibilidade. | 0 |
| I04 | W84 | Embarazo posiblemente inviable | Ecografía | Indicada [C] | É necesario un test de embarazo. Pode ser preciso repetir a ecografía ao cabo dunha semana (especialmente se a bolsa amniótica é < 20 mm ou a lonxitude cabeza-cóccix é < 6mm). Se se dubida da viabilidade dun embarazo, é fundamental atrasar o legrado uterino. | 0 |
| Corpo do útero | ||||||
| I05 | X12 | Hemorraxia postmenopáusica: para excluír patoloxía endometrial significativa | Ecografía | Indicada [B] | A ecografía transvaxinal está indicada para excluír patoloxía endometrial significativa en caso de hemorraxia postmenopáusica. O engrosamento do endometrio > 5 mm necesita unha biopsia para un diagnóstico concreto. | 0 |
| I06 | D24 X17 X74 | Sospeita de masa pélvica (Véxase tamén L39-L40) |
Ecografía | Indicada [C] | Adoita ser necesario combinar a ecografía transabdominal e a transvaxinal. A ecografía confirma a presenza dunha lesión e determínase o órgano de orixe probable. A imaxe transvaxinal debe usarse para definir máis a anatomía. A RM é a segunda mellor exploración, aínda que segue empregándose moito a TC. | 0 |
| I07 | X01 X74 X99 | Dor pélvica, incluíndo sospeita de enfermidade inflamatoria pélvica e sospeita de endometriose | Ecografía | Indicada [C] | Especialmente cando a exploración clínica é difícil ou imposible. A ecografía ten un valor predictivo baixo en caso de diagnóstico de enfermidade inflamatoria pélvica. | 0 |
| RM | Exploración especializada [B] | Pode ser de utilidade para localizar os focos de endometriose de maior tamaño. | 0 | |||
| I08 | W12 | Perda do DIU | Ecografía | Indicada [C] | Para confirmar ou descartar a presenza do DIU no útero. | 0 |
| RXA | Indicada só en circunstancias específicas [C] | Indicada só cando o DIU non se pode ver no útero a través da ecografía. | I - II | |||
| I09 | W82 | Abortos espontáneos recorrentes | Ecografía | Indicada [C] | Pon de manifesto os principais problemas, tanto conxénitos como adquiridos, e é útil para identificar ovarios poliquísticos. | 0 |
| RM | Exploración especializada [C] | Complementa á ecografía no estudo da anatomía uterina. | 0 | |||
| I10 | W15 | Esterilidade | Ecografía | Indicada [C] | Para o control dos folículos durante o tratamento. Para avaliar a permeabilidade das trompas, a ecografía aínda non se levou á práctica de forma xeneralizada. Algúns servizos utilizan a RM e/ou laparoscopia e/ou a histerosalpingografía. | 0 |
| I11 | W99 | Sospeita de desproporción cefalopélvica | Pelvimetría por RX | Non indicada [B] | Estase a poñer cada vez máis en tea de xuízo a necesidade da pelvimetría. As pautas de cada centro deberán determinarse en colaboración cos obstetras. A RM ou a TC deben usarse sempre que sexa posible. | II |
| RM / TC | Exploración especializada [C] | A RM é preferible, xa que non irradia. A TC adoita dar unha dose de radiación menor que a pelvimetría estándar con RX. | 0 / I | |||
