| Código | CIAP2 | Problema clínico | Exploración | Recomendación [Grao] | Comentario | Dose |
|---|---|---|---|---|---|---|
| Partes brandas | ||||||
| B01 | T71 T72 T73 T81 | Nódulos tiroideos | Ecografía | Indicada só en circunstancias específicas [B] | A ecografía é excelente para diferenciar masas tiroideas e extratiroideas, para guiar unha punción aspiración ou unha biopsia (especialmente en nódulos tiroideos de difícil palpación ou pequenos), e para a detección de linfoadenopatías asociadas a tumores malignos de tiroide. Aínda que a ecografía pode ser específica en casos de tumores malignos, ten pouca sensibilidade. En casos de aumento xeneralizado de tiroide ou bocio multinodular a ecografía mostra facilmente a extensión retroesternal. As exploracións en tempo real mostran o efecto da extensión de colo, etc. Necesítase unha TC ou unha RM para demostrar a extensión retroesternal completamente e o compromiso traqueal. A MN non desempeña ningún papel na avaliación inicial dos nódulos tiroideos. | 0 |
| PAAF guiada por ecografía / PAAF | Indicada [B] | Os nódulos tiroideos son moi frecuentes, pero a maioría son benignos. A punción por aspiración con agulla fina (PAAF), sen imaxe, é a exploración inicial máis custo-efectiva. | 0 / 0 | |||
| B02 | T85 | Tirotoxicose | MN | Indicada [B] | A MN pode diferenciar entre a enfermidade de Graves, o bocio nodular tóxico e a tiroidite subaguda. Ofrece información funcional sobre os nódulos. É tamén útil na tiroidite. | II |
| B03 | T80 | Tecido tiroideo ectópico (por exemplo, lingual) | MN | Indicada [C] | A MN é excelente en caso de pequenos restos de tecido tiroideo ectópico. | II |
| B04 | T99 | Hiperparatiroidismo | Ecografía / MN / TC / RM | Exploración especializada [C] | Debe consultarse cun especialista. O diagnóstico faise baseándose na clínica e na analítica bioquímica. As técnicas de diagnóstico pola imaxe poden ser útiles para a localización precirúrxica, pero os cirurxiáns experimentados poden non necesitalas. Depende moito das prácticas locais e da dispoñibilidade de especialistas e de tecnoloxía. A ecografía, a MN, a TC e a MR son todas axeitadas nun colo non operado. A RM está a evolucionar de modo que probablemente sexa a mellor exploración en caso de tumores ectópicos e residuais. Unha venografía superselectiva para realizar toma de mostras tras unha exploración por imaxe pode ser de utilidade. | 0 / II / II / 0 |
| B05 | K81 | Sopro carotídeo asintomático | Ecografía carotídea | Indicada só en circunstancias específicas [B] | A ecografía non adoita ser de gran valor posto que a evidencia suxire que a cirurxía non está recomendada en estenose carotídea asintomática. | 0 |
| B06 | D79 R87 | Corpo estraño tragado ou inhalado (Véxase tamén K27-K29) (Para os nenos véxase a sección M) |
RX lateral para tecidos brandos do colo | Indicada só en circunstancias específicas [B] | A maioría dos corpos estraños non se ven en RX. A historia clínica e os achados son os indicadores máis precisos da presenza dun corpo estraño. As exploracións de elección son a exploración directa da orofarinxe, a laringoscopia e a endoscopia. (Para corpos estraños tragados ou inhalados en nenos véxase M26 e M31) |
I |
| B07 | A08 R92 S04 | Masa no colo de orixe descoñecida | Ecografía | Indicada [C] | A ecografía é a técnica de primeira liña para a caracterización de masas no colo. Pódese combinar cunha PAAF. | 0 |
| TC / RM | Indicada só en circunstancias específicas [C] | A TC / RM están indicadas se a extensión completa da lesión non se pode determinar cunha ecografía, para identificar outras lesións e para a estadificación. | II / 0 | |||
| B08 | D83 | Obstrución dos condutos salivais | Ecografía ou sialografía | Indicada [C] | En caso de inchazón intermitente relacionada cos alimentos. Algúns centros prefiren a sialografía por RM. | 0 / II |
| RX | Indicada só en circunstancias específicas [C] | Cando se sospeita un cálculo na rexión sublingual, a RX pode ser a única proba necesaria. | I | |||
| B09 | A08 D78 D83 | Masa salival | Ecografía | Indicada [B] | A ecografía é a exploración inicial de elección en caso de sospeita de masa salival. Pódese combinar cunha PAAF, se fose necesario. Posúe unha gran sensibilidade e unha alta especificidade. | 0 |
| RM / TC | Exploración especializada [B] | Debe realizarse unha RM ou unha TC se se sospeita afectación do lóbulo profundo ou extensión aos espazos profundos. | 0 / II | |||
| B10 | D20 L99 | Boca seca: enfermidade do tecido conxuntivo | Ecografía, sialografía, MN | Exploración especializada [C] | Non adoitan ser necesarias. A sialografía pode ser diagnóstica, pero a MN permite unha valoración funcional mellor. Tamén se emprega a sialografía por RM. | 0 / II / II |
| B11 | D82 L07 L80 | Disfunción da articulación témporo-mandibular | RM | Exploración especializada [B] | As RX non adoitan achegar información posto que a maioría dos problemas da articulación temporomandibular se deben a disfuncións do tecido blando (normalmente subluxación do disco intra-articular) máis que a anomalías óseas, que aparecen tardiamente e adoitan estar ausentes na fase aguda. | 0 |
