É moi importante que a información relativa ás altas de captacións sexa acomodada.

Os problemas máis habituais atopados cando se quere dar de alta unha captación son os seguintes:

XEORREFERENCIACIÓN: O SINAC solicita a localización da captación en formato xeográfico de lonxitude e latitude en graos decimais. Por tanto, se as coordenadas están en formato UTM é necesario convertilas a formato xeográfico.

É moi sinxelo, os convertidores de coordenadas atoparalos en múltiples páxinas que atoparás na internet.

• Exemplo de coordenadas UTM:      X=577813.96      Y=4671401.79      Fuso 29
• Exemplo de coordenadas xeográficas en graos decimais:   lonxitude -8.0576      latitude: 42.1909

RECURSO HÍDRICO: Este dato fai referencia á masa de auga onde estea situada a captación.

Ollo!! Na caixa correspondente ao dato de recurso hídrico hai que poñer o código de recurso hídrico que se corresponda coa masa de auga en cuestión, non se pon o código de masa de auga; por isto é necesario saber a correspondencia entre ambos os códigos.

O primeiro paso é coñecer o código da masa de auga. Este dato poderás atopalo nos visores dos organismos de conca. Se non es capaz de saber a masa de auga onde está situada a túa captación deberás poñerche en contacto co organismo de conca correspondente para que che facilite esta información.

Logo que saibas o teu código de masa de auga, deberás buscar a correspondencia co código de recurso hídrico na listaxe de recursos hídricos que está na parte de informes da aplicación SINAC (módulo de INFORMES/ Listado Valores Diccionarios/ Recurso Hídrico)