Estudo observacional con medicamentos 

É  toda investigación que implique a recollida de datos individuais relativos á saúde de persoas, sempre que non cumpra calquera das condicións requiridas para ser considerado ensaio clínico establecidas no artigo 2.1.i) do Real Decreto 1090/2015, do 4 de decembro, polo que se regulan os ensaios clínicos con medicamentos, os Comités de Ética da Investigación con medicamentos e o Rexistro Español de Estudos Clínicos, e que ten como finalidade complementar a información xa coñecida do medicamento sen interferir coa práctica clínica habitual.

Estudo observacional con medicamentos de seguimento prospectivo 

É todo estudo observacional con medicamentos no que os suxeitos son seguidos durante un período de tempo ata que acontece a variable de resultado, e esta aínda non se produciu no momento do inicio do estudo.