“Clases sen fume” naceu en Finlandia en1989.
En 1997, esténdese a outros países europeos.
Clases sen fume é un proxecto da Rede Europea de Mozos e Tabaco (ENYPAT:
European Network on Young People and Tobacco), con sede en Helsinki (Finlandia)
e conta co financiamento da Comisión Europea.
Os países que participaron en anteriores campañas veñen recollidos na seguinte táboa e no mapa.
| Austria | Islandia |
| Alemaña | Italia |
| Bélxica | Luxemburgo |
| Dinamarca | Portugal |
| Finlandia | Suíza |
| Francia | Holanda |
| Grecia | Reino Unido (Gales) |
| España | |
A participación é moi variada en función dos seus promotores, podéndose levar a cabo dende concellos, delegacións provinciais e comunidades autónomas
É un programa
europeo para a prevención do tabaquismo que se desenvolve
na escola e utiliza o premio-recompensa como estímulo.
Está dirixido aos escolares do 1º ciclo de ensino secundario
obrigatorio, é dicir, mozos e mozas de 12 a 14 anos de idade.
Baséase no compromiso colectivo de toda a clase de non fumar
durante un período de 6 meses consecutivos durante
o curso escolar, e na responsabilidade e confianza mutuas de todos eles. Reforzando:
- O carácter voluntario e individual da decisión de non fumar.
- O compromiso de todo o grupo.
- A confianza en si mesmo e nos outros.
A idea desta competición trata de reforzar o desexo do comportamento de non fumar.
De acordo coa teoría da aprendizaxe, un reforzo positivo aumenta a probabilidade de alcanzar un determinado comportamento. Deste xeito, o non fumar convértese nun comportamento popular e valorado, e as normas sociais dentro do grupo vense influenciadas de tal xeito que o non fumar convértese en algo máis frecuente que o fumar.
- Previr ou atrasa o inicio do consumo de tabaco.
- Promover o abandono do tabaco por parte dos escolares que xa teñen experimentado con el, para evitar que se convertan en fumadores regulares.
Tódalas clases de 1º e 2º de ESO dos centros docentes de Galicia.
As regras da competición son basicamente as mesmas
en todos os países participantes:
- Todos os escolares dunha clase e o seu educador/a deciden ser unha “Clase sen Fume” e toman a decisión e comprométense individual e conxuntamente, a non fumar dende novembro de 2006 ata abril de 2007.
- O director do centro remitirá a solicitude de participación xunto coa ficha de compromiso da aula, por fax, correo ou a través desta páxina web antes do 13 de outubro de 2006.
- Os escolares asinan o “compromiso individual” comprometéndose a permanecer sen fumar durante o período da competición. Este “contrato” ten a misión de reforzar o seu compromiso.
- Un dos escolares da clase elixido polos seus compañeiros será o encargado do seguimento do concurso: debera recordar ó titor as datas de realización das actividades obrigatorias, o envío das mesmas dentro do prazo establecido e responsabilizase da colocación das pegatinas que certifican dito cumprimento no póster (para colocar na aula) que se adxunta na carpeta do titor o inicio da participación.
- A responsabilidade do control de non fumar recae sobre os propios escolares. Eles son os que controlan o seu comportamento e informan con regularidade sobre se permaneceron sen fumar ou non.
- O responsable da aula reforzará positivamente de maneira regular a decisión de non fumar, e promoverá a realización de actividades encamiñadas á prevención do tabaquismo.
- As clases que se manteñen sen fumar durante o período da competición e cumprimentan as actividades participan no sorteo de premios locais e internacionais.
- Aquelas clases que cumpran todos os requisitos no tempo establecido polas bases do concurso, veranse recompensadas cun punto ou opción a maiores que redundará no seu beneficio á hora do sorteo aumentando a posibilidade de gañar o premio Clases Sen Fume 2006-2007.
- A puntualidade na entrega será acreditada a través dos adhesivos que lles serán remitidos dende a Delegación Provincial correspondente
As aulas participantes terán que presentar un slogan,
unha actividade creativa e traballar as unidades didácticas de prevención
do tabaquismo.
Só se admitirá un slogan e actividade creativa por aula.
1.- O slogan
Consistirá nun lema, acompañado
dunha representación gráfica orixinal e positiva sobre
a prevención do tabaquismo, preferiblemente dirixido a convencer a
mocidade para non comezar a fumar.
Presentarase un só slogan seleccionado pola clase.
Haberá un premio ao mellor slogan.
Utilizarase o impreso específico facilitado polo programa, que deberá
remitirse antes do 15 de decembro de 2006.
2.- Actividade creativa
Consistirá nunha actividade
orixinal dirixida á prevención do tabaquismo.
Poderá presentarse nas seguintes modalidades: deseño
de materiais multimedia, anuncio publicitario, canción con baile, obra
de teatro ou xogos.
Haberá un premio á mellor actividade. Valorarase o tempo dedicado
e a implicación de toda a aula na súa realización e representación.
Previamente ao seu desenvolvemento, deberá presentarse un proxecto
que recolla os obxectivos didácticos e de prevención do tabaquismo,
a descrición da actividade e a distribución das tarefas dos
escolares.
Para a presentación do proxecto utilizarase o impreso específico
facilitado polo programa, que deberá remitirse antes do 15
de decembro de 2006.
3.- As unidades didácticas
Ao longo do concurso traballaranse
na aula os materiais didácticos relacionados coa prevención
do consumo de tabaco, recollidos na guía Experiencia de educar
para a saúde na escola. Programa de prevención
do consumo de drogas, facilitados polo Plan de Galicia sobre Drogas.
Facilitaranse os cadernos para os escolares, adaptados a
cada nivel educativo.
Actividades optativas:
Cada aula poderá propoñer, con carácter voluntario, a realización doutras actividades como a:
- Organización de charlas dirixidas aos mestres, escolares, asociacións de pais e nais...
- Celebración do Día Mundial sen Tabaco (31 de maio)
Premios para os escolares
ü Viaxe a un parque temático para todos os escolares de 3 aulas:
Unha
seleccionada por sorteo paritario entre todas as que cheguen
ao final do concurso cumprindo os requisitos esixidos.
Dúas elixidas por un xurado como gañadoras
dos premios ao “MELLOR SLOGAN” e á “MELLOR
ACTIVIDADE CREATIVA”.
ü Accésits: para os escolares das aulas finalistas.
ü Diploma acreditativo de participación e material divulgativo do programa para cada un dos escolares que cheguen ao final do concurso.
Premio para os docentes
ü Premio proxecto de centro, a mellor unidade didáctica presentada, elixida por un xurado segundo os criterios de valoración establecidos nas bases do concurso.
Premio internacional
Unha viaxe a Berlín. Sortearase entre todos os países participantes. O país gañador seleccionará a aula gañadora mediante sorteo entre as clases que finalicen con éxito o concurso.
Os premios non serán, en ningún caso, acumulativos e deberan ser disfrutados nas datas propostas pola organización do concurso, a non aceptación das mesmas suporá a renuncia automática o premio.
Datas clave:
|
2006 |
|
|---|---|
| 13 de outubro |
Remisión da ficha de inscrición no programa. Remisión da ficha de compromiso da aula. |
| 2 de novembro | Comezo do compromiso de non fumar. |
| 10 de novembro | Remisión dos cuestionarios dos escolares |
| Recollida das fichas de compromiso dos escolares | |
| 15 de decembro |
Remisión do slogan. Remisión da ficha do proxecto da actividade creativa. |
| 2007 | |
| 31 de marzo | Remisión da actividade creativa. |
| 16 de abril | Remisión do proxecto de centro dos profesores (opcional) |
| 30 de abril | Remate do compromiso de non fumar. |
| 7 de maio |
Remisión da ficha de seguimento de participación. Remisión do cuestionario final |
| MAIO | Acto de entrega de premios. |
Materiais que facilita o programa
- Cartel- Folleto informativo “Clases sen fume” para os centros docentes
- Folleto informativo para os escolares
- Folleto informativo para pais e nais
- Impreso solicitude de inscrición
- Ficha de compromiso da clase
- Ficha do slogan con representación gráfica
- Ficha do proxecto da actividade creativa
- Ficha Inscrición Padres
- Pegatina Aula
- Cuestionario escolares
Coordinación nacional e internacional
Europa: IFT-Nord en Kiel, Alemaña
España:
- Coordinación nacional: Agencia de Salut Pública de Barcelona. http://www.aspb.es/quefem/escoles/classesensefum.htm
- Responsables: Manel Nebot (mnebot@imsb.bcn.es) y Carles Ariza (cariza@imsb.bcn.es)
Organiza:
Consellería de Sanidade. Dirección Xeral de Saúde Pública. Programa de Promoción da Vida sen Tabaco
Dirección Xeral de Saúde Pública Dª. Begoña Alonso de la Iglesia (begona.alonso.iglesia@sergas.es) Edificio administrativo da Consellería de Sanidade.
San Lázaro, s/n Delegacións provinciais da Consellería de Sanidade A CORUÑA LUGO OURENSE PONTEVEDRA |
Internacional:
- A Unión Europea, financia as actividades de coordinación e o premio internacional, que no vindeiro curso sera unha viaxe a Berlin.
