Data de celebración: 15 de decembro de 2023
Lugar: Anfiteatro do Instituto de Investigación Sanitaria IDIS, en Santiago de Compostela.
Horas: 11:00 -13:00 horas
Persoas destinatarias: Profesionais no ámbito da Saúde Pública, pertencentes á dirección xeral e as xefaturas territoriais da Consellería de Sanidade así como ao persoal do Sergas.
A xornada establécese como unha canle onde reflexionar, buscar inspiración e asentar as claves que definirán un novo modelo de vixilancia epidemiolóxica, que axude a redeseñar o futuro inmediato desde a mirada da saúde pública.
O novo enfoque que se pretende dar a coñecer e que será preciso para o impulso dunha nova saúde pública en Galicia sustentase en cinco piares fundamentais:
Intersectorialidade como principio rector e a saúde en todas as políticas.
Formación, investigación e innovación coa aplicación de políticas efectivas.
A actuación baseada na evidencia científica e técnica cun enfoque centrado na cidadanía, na equidade e na ganancia de saúde así como o mantemento duns sistemas de vixilancia e control eficaces, áxiles e capaces de detectar cambios de tendencia e anticiparse ás novas ameazas para a saúde, contando co apoio das novas tecnoloxías e da intelixencia artificial.
A aposta decidida pola calidade na organización.
A capacidade para dar resposta á demanda de servizos de Saúde Pública.