Realízase esta guía como nota aclaratoria, debido ás múltiples consultas que están a realizar os xestores dos abastecementos e a inspección sanitaria sobre a interpretación da normativa vixente relativa á radioactividade de augas de consumo.
Cales son os parámetros a determinar nun auga?
Os análises de radioactividade teñen por obxecto facilitar información sobre a presenza de substancias radioactivas naturais ou artificiais na auga de consumo humano e actuaráse segundo o establecido no anexo X do Real decreto 140/2003.
Segundo
o recollido no anexo X do RD 140/2003 Os parámetros que se teñen
que determinar son radón, tritio e dose indicativa (DI)
RADON:
o punto 4.2 do anexo X do Real decreto 314/2016 indica que o radon
se determinará sempre que a orixe da auga de consumo humano sexa
subterránea de maneira total ou parcial e a caracterización da
zona de abastecemento indique que sexa razoable pensar que o valor
correspondente ao radon poida superar 500 Bq/l, ou ben cando a masa
de auga subterránea de procedencia non estea aínda caracterizada.
Por
isto, mentres as masas de auga non estean caracterizadas, haberá
que determinar este parámetro no caso que a orixe da auga sexa
subterránea de maneira total ou parcial. Logo de ter caracterizadas
as masas de auga subterránea, a Consellería de Sanidade emitirá
un criterio definitivo sobre as frecuencias de mostraxe.
TRITIO:
no punto 4.3 do anexo X, indícase que se determinará o tritio coa
frecuencia de mostraxe que sinala o apartado 3 deste anexo cando a
auga sexa de orixe superficial e a captación poida estar afectada
por unha fonte antropoxénica de tritio ou doutros radionucleidos
artificiais de acordo á información proporcionada polo Consello de
Seguridade Nuclear (CSN).
Por
isto, en Galicia, por regra xeral, non é necesaria a determinación
de tritio, a non ser que se teña a sospeita da súa existencia ou o
CSN proporcionase información ao respecto.
DOSE
INDICATIVA TOTAL: o punto 4.4 do anexo X indica que para a
determinación da dose indicativa total (DI) se empregará a medida
do índice de concentración de actividade alfa total e do índice
de concentración da actividade beta total ou resto, de acordo cunha
metodoloxía determinada que establece que, no caso que o resultado
destes dous índices sexa menor a 0,1 e 1 Bq/l respectivamente,
poderíase considerar que a DI é inferior ou igual a 0,1 mSv/ano.
Por
tanto, nestes casos non sería necesaria unha investigación
radiolóxica adicional, é dicir unha análise de radionucleidos
específicos naturais e artificiais.
Cales
son os puntos de mostraxe?
No
referente ao lugar de mostraxe, o punto 1.3 do anexo X do Real
decreto 314/2016 indica que a mostraxe para o control
de substancias radioactivas poderá realizarse en calquera lugar da
zona de abastecemento, sempre e cando non existan razóns para
sospeitar que poida producirse un cambio adverso do valor de
concentración da substancia radioactiva entre aquel e o punto de
cumprimento previsto no artigo 6.
O
xestor do abastecemento terá documentado, no protocolo de
autocontrol e xestión, cales son os puntos de mostraxe seleccionados
en cada abastecemento. Para unha boa caracterización debe haber un
punto de mostraxe por cada captación (no caso dunha ZA cunha única
captación só sería necesario marcar un punto). Recoméndase que
estes puntos de mostraxe sexan na captación ou antes do tratamento.
Neste
mesmo punto 1.3 do anexo X, indícase que nas zonas de abastecemento
onde as estruturas sexan xestionadas por varios xestores, será a
autoridade sanitaria, previa consulta cos xestores implicados, a que
determinará o punto ou puntos de mostraxe, segundo o caso, para o
control das substancias radioactivas. En todo caso, garantirase que
os resultados obtidos no dito control estean dispoñibles para todos
os xestores afectados.
Por
tanto, nestes casos, cada xefatura territorial marcará os puntos de
mostraxe de cada zona de abastecemento (captación ou antes do
tratamento) e notificarao aos xestores implicados dándolles un prazo
para as alegacións oportunas.
Cales
son as frecuencias mínimas de mostraxes?
As
frecuencias mínimas de mostraxe están descritas no apartado 6
do programa
e
no link
https://www.sergas.es/Saude-publica/AUGAS-DE-CONSUMO-TIPOS-DE-ANALISE-E-FRECUENCIAS
Que
recomendacións pode incorporar un informe sanitario?
O
informe sanitario que emite a Consellería de Sanidade nas
autorizacións de captacións segundo o artigo 123.3 do DPH abarca os
seguintes aspectos: idoneidade da captación, cualificación
sanitaria das augas e mínimos precisos de potabilización.
Ao
ser informes sobre proxecto, sen visita de campo, non se poderá
comprobar "in situ" se os tratamentos de potabilización
van diminuír a valores inferiores aos paramétricos. Polo tanto o
que debe de quedar explicado no informe, no caso de superacións do
valores paramétricos, é que na auga desa captación existe un
problema con substancias radioactivas, polo que deberán realizar
estudos adicionais e controis periódicos de parámetros de
radioactividade.
No
caso de superacións de actividade alfa ou beta, é
necesario que calculen a DIT para ver se
se axusta á normativa, xa que a DIT é o que realmente hai que
medir.
Con
respecto ao radon, non se estima necesario instar ao titular a
repetilo, porque pola experiencia acontecida, o máis seguro é que
se sigan a
superar
os niveis paramétricos.
No
caso de que a DIT ou o radon superen os límites paramétricos, no
informe deberase indicar
que se se quere
utilizar esa captación para abastecemento de auga, ao existir un
problema de radioactividade elevada, deberanse
instalar as medidas
de remediación necesarias para poder cumprir
aos niveis permitidos pola lexislación.
Que
medidas de remediación se propoñen para eliminar substancias
radioactivas?
Radon
A
presenza de radon na billa do consumidor está asociada
xeralmente a
augas
de procedencia subterránea de abastecementos moi pequenos nos
cales non houbo tempo a que se produza a desgasificación deste, que
por outro lado é moi rápida. Un sistema de abastecemento no que se
produza unha aireación da auga dende a súa captación á billa
poderá reducir a presenza de radon e os seus descendentes.
As
posibilidades de exposición ao radon danse en sistemas de
abastecemento pequenos nos cales unha captación profunda vai a un
depósito con pouco espazo de cabeceira e de ahi ás vivendas, sen
que exista filtración.
Se
ademais o tempo de retención da auga é elevado, poderían aumentar
a concentración de descendentes na propia auga, os cales poderían
pasar á billa ou depositarse en función da súa solubilidade na
auga.
No
caso de que a auga fose unha fonte importante de entrada na vivenda
ou lugar de traballo, a exposición estaría a súa vez relacionada
co patrón de apertura de billas, localización destas, grado de
dispersión da auga, ventilación, tipoloxía do local
(soto,
planta baixa,
pisos superiores), e
presenza
de partículas ou
auga
en suspensión.
O
radon podería eliminarse tamén por filtración con carbón activado
granular (GAC). O inconveniente significativo da filtración de GAC,
é a elevada taxa de dose gamma cerca do filtro e a radioactividade
do GAC gastado.
Cando
se usan filtros de carbón activo para eliminar a radioactividade
natural da auga potable, produciranse residuos que conteñen
radioactividade natural. O filtro GAC debería estar equipado con
blindaxe especial para atenuar a radiación gamma. Tamén se
recomenda que os residuos que conteñen radioactividade natural en
forma sólida se eliminen dun xeito adecuado.
Radionucleidos
específicos para o cálculo de DIT
Existen
múltiples métodos para eliminación de radionucleidos específicos.
As
técnicas de tratamento para eliminar
os
radionucleidos na
auga
de consumo humano son a
osmose
inversa, no
caso dos derivados do
radio e
os tratamentos físico químicos convencionais
característicos das ETAP, para o
resto
do
grupo. Os
tratamentos convencionais
inclúen
aireación, precloración/ozonización, coagulación-floculación,
decantación, filtración por arena
ou
ceolita
e
postcloración. As
resinas de intercambio iónico, filtración por carbón activo,
nanofiltración
tamén son válidos para a eliminación
de radionucleidos específicos.
Non
obstante, no caso de eliminación de radionucleidos a través de
tratamentos, a problemática sería similar ao caso anterior, xa que
se producirán residuos que conteñen radioactividade natural co
consecuente problema de
xestión
do residuo
e de exposición
á radioactividade gamma a
través deste residuo.
Se
os niveis de radionucleidos non son moi elevados e se dispón doutra
fonte de subministro,
sempre se pode recorrer á mestura
da auga co que se conseguiría una dilución que puidera situar a DIT
dentro do valor paramétrico.
Que
actuacións se deben seguir ante superacións de valores paramétricos
nos autocontrois dun abastecemento?
Os
indicados no anexo X do RD 140/2003
e
as que corresponda engadir
ao protocolo de autocontrol e xestión do abastecemento derivadas
da identificación
deste perigo.
O
criterio
de aptitude da auga establecido no artigo 17 do Real decreto 140/2003
e o concepto de incumprimento do artigo
27 varían para as substancias
radioactivas
en relación ao
definido para o
resto de parámetros; polo que para este
tipo de substancias
non nos podemos referir a aptitude
ou non
aptitude da auga,
ou a
cumprimento
ou
incumprimento,
senón
que cando se produce unha
superación, debe
realizarse
a secuencia de accións
definidas no
punto 6 do
Anexo X
do Real
decreto 314/2016.
Protocolo
a
seguir no
caso de
que
se supere o valor de DIT ou radon
A
normativa indica que a superación de valores paramétricos refírese
á dose indicativa total (DIT), radon ou tritio; non está referida á
superación de valores de actividade alfa e beta, xa que estes
parámetros utilízanse como cribado para a determinación da DIT.
Dende
o momento que se superan os valores paramétricos de substancias
radioactivas en augas de captación, é primordial que o xestor ou
xestores implicados sexan conscientes que existe un problema de
radioactividade no seu punto de subministro. Por isto, deben realizar
unha avaliación do abastecemento para establecer un plan de accións
correctoras que reduzan as substancias radioactivas en rede de
distribución a niveis por debaixo dos paramétricos. Estas accións
correctoras poden estar referidas a tratamentos de potabilización ou
mesturas de auga e deben estar incluídas no protocolo de autocontrol
e xestión do abastecemento. Ademais o xestor deberá intensificar os
controis de radioactividade.
Así
mesmo é conveniente que os xestores teñan establecido tamén,
dentro do seu protocolo de autocontrol e xestión, un plan de
comunicación a los consumidores, no caso de superación dos valores
paramétricos establecidos de acordo co establecido no anexo X do
Real decreto 140/2003.
DOSE
INDICATIVA TOTAL (DIT)
Cando
algún destes dous indicadores (actividade alfa ou beta) se superan
por primeira vez en captación, o xestor deberá confirmar o
resultado, calculando a DIT á vez en captación e na rede de
distribución.
Aínda
que a DI sexa un indicador de risco, e a auga da captación non se
consume sen tratar, é necesario determinala para coñecer os valores
de radionucleidos en captación e poder avaliar a efectividade dos
tratamentos de potabilización. Por isto, cando estes indicadores
alfa ou beta superan 0.1 ou 1 Bq/L respectivamente, é importante que
se dispoña de valores de radionucleidos de captación (a través da
DI) para poder caracterizar ben as masas de agua e como se dixo
anteriormente avaliar a efectividade dos tratamentos.
Pódense
darse 3 circunstancias:
1.-
Se
non houbera superación da DI en rede de distribución, nin na
confirmación da captación.
Deberanse igualmente intensificar os controis para poder avaliar ben
esa captación
e así mesmo estar contemplada
esta situación
no protocolo de autocontrol e xestión.
2.-
Se
non
houbera
superación da DI
na
rede
de distribución, pero si
na captación.
Ademais
do establecido no anexo X apartado 6 do RD 140/2003 e
as que corresponda segundo
o
protocolo de autocontrol e xestión do abastecemento derivadas
da identificación
deste perigo. O xestor deberá
intensificar os controis de radioactividade.
Así
mesmo, o xestor debe notificalo a todos os xestores augas abaixo, se
os houbese, para que avalien o risco e realicen os controis
oportunos. Do mesmo xeito, o xestor notificarao á xefatura
territorial de Sanidade correspondente que realizará o seguimento
das actuacións que realice o xestor.
A
xefatura territorial valorará se esa superación de valor
paramétrico en captación pode afectar a saúde da poboación
afectada. Se fose necesario, requiriralle ao xestor a adopción de
medidas correctoras adecuadas co fin de reducir ou eliminar o risco
potencial para a saúde da poboación e a emisión de recomendacións
á poboación.
É
conveniente que nestes casos os xestores adopten as medidas adecuadas
oportunas tanto de exposición á radioactividade gamma derivada dos
tratamentos de potabilización,
como da xestión dos residuos (lodos, filtros, etc.).
3.-
Se
houbera
unha
superación de DI
ou radón
en rede
de distribución,
os
xestores implicados deberán notificar urxentemente á xefatura
territorial.
A
superación de DI
en
todos
os
casos impicará
unha
restrición do
seu
uso para bebida e
preparado de alimentos, podéndose
utilizar para
calquera
outro
uso.
Ademais
do establecido no anexo X apartado 6 do RD 140/2003 e
as que corresponda segundo
o
protocolo de autocontrol e xestión do abastecemento derivadas
da identificación
deste perigo:
O
xestor do abastecemento deberá realizar un plan corrector (mestura
de auga ou mellora dos tratamentos) para garantir que no período
anual dende á data de inicio se consiga unha dose indicativa menor
de 0,10 mSv.
O
plan de corrección deberá ter un seguimento adecuado para comprobar
que o obxectivo a conseguir é en todo momento factible. A xefatura
territorial deberá avaliar a idoneidade das medidas de xestión e
validar o plan específico de medidas correctoras elaborado polo
xestor.
A
autoridade sanitaria, para levantar ou non esa restrición, avaliará
durante o tempo que estime necesario as medidas de xestión.
En
calquera caso de superación do valor paramétrico en rede, a
poboación afectada debe estar informada disto, polo que o xestor do
abastecemento comunicará á poboación afectada o risco, as medidas
correctoras e preventivas, e de ser o caso, as recomendacións
sanitarias para a poboación que resulten necesarias para a
protección da saúde humana con respecto ás substancias
radioactivas.
RADON
Mentres
non estean caracterizadas as masas de auga con respecto ao radon
actuarase do mesmo xeito que coa DI. Se se supera por primeira vez o
límite de 500 Bq/l, haberá que confirmalo en captación e na rede
de distribución.
A
Directiva 2013/51/Euratom do Consello, de 22 de outubro de 2013,
permite aos Estados membros establecer para o radon un nivel cuxa
superación se xulgue inadecuada e por baixo do cal sexa necesario
continuar a optimización da protección, sen prexuízo do
subministro de auga a escala nacional ou rexional. O nivel fixado
polos Estados membros poderá ser superior a 100 Bq/l e inferior a
1000 Bq/l. En España adoptouse o valor paramétrico de 500 Bq/l
tendo en conta a información dispoñible sobre as características
das augas do noso país.
No
caso que a zona de abastecemento supere o valor de 1000 Bq/l,
estableceranse en todo caso medidas correctoras adecuadas para evitar
o subministro de auga nas ditas condicións, tal e como establece o
Anexo X.6 del Real decreto 140/2003.
Sempre
que sexa posible, cando nunha zona de abastecemento o valor de radon
obtido estea situado no rango de 100 a 500 Bq/l, instauraranse
medidas de cara a optimizar a protección e reducir a exposición,
onde será adecuado realizar un estudio complementario doutros
parámetros radioactivos.
Dase
por suposto que é moi raro que unha superación de radon en
captación implique superación do radon en rede, xa que se evapora
con moita facilidade. Non obstante é un indicador de que podemos ter
un problema de radon en ambientes interiores, xa que as billas poden
servir de vehículo de entrada deste gas aos edificios.
É
importante que os concellos con niveles de radon na agua superiores a
500 Bq/L sexan coñecedores deste risco, sobre todo porque pode
existir poboación de risco en lugares sensibles como poden ser os
colexios, hospitais, centros de terceira idade ou escolas
infantís/gardería, entre outros.
En
todo caso cando se superen os valores estaráse ao establecido no
anexo X apartado 6 do RD 140/2003 e ao que corresponda segundo o
protocolo de autocontrol e xestión do abastecemento derivadas da
identificación deste perigo:
Riscos
derivados da exposición da poboación ás substancias radioactivas
na auga
A
Ponencia
de Saúde Pública
elaborou un documento para avaliar os riscos derivados da exposición
da poboación ás substancias radioactivas
na auga, polo que este punto desenvolverase nun futuro en función do
indicado nesta guía. Non obstante,
ata ese momento
é necesario indicar unhas pautas de actuación a seguir para os
casos nos que se supere o valor de DIT ou radon.
Acceso
ao documento de análise dos riscos derivados da exposición da
poboación ás substancias radiactivas na auga de consumo humano