A OMS recomenda a iodación universal do sal e, no caso das mulleres embarazadas e lactantes, as necesidades de iodo só poden ser cubertas mediante a suplementación con ioduro potásico.
O déficit nutricional de iodo pode causar un amplo espectro de enfermidades que afectan a persoas de todas as idades, pero particularmente ás mulleres embarazadas e o desenvolvemento fetal e neonatal. A mellor fonte dietaria de iodo constitúena o sal iodado e os peixes e mariscos, se ben a maioría dos países que conseguiron erradicar a deficiencia nutricional de iodo tiveron que recorrer á suplementación continuada da dieta con iodo mediante a utilización do sal iodado.