Consellos para persoas que viaxen a China, único país con abrochos de gripe A/H7N9 en aves
Non hai restricións de viaxe a China.
Aínda que non en todas as provincias chinesas hai, na actualidade, abrochos de gripe A/H7N9 en aves, é convinte atender aos seguintes consellos en todo o país:
◾ Evitar visitar mercados de animais e granxas de aves.
◾ Evitar o contacto con superficies contaminadas por feces de animais.
◾ Non comer ou manipular aves ou ovos pouco cocidos ou crus.
◾ Non traer ningún animal vivo ao regreso.
◾ Non recoller ou tocar paxaros mortos ou que están morrendo.
◾ Procurar lavar frecuentemente as mans.
Ademais, se nos dez días seguintes ao regreso ten síntomas respiratorios acompañados de febre (> 38ºC), non se esqueza de recordarlle ao médico os antecedentes de viaxe.