A versión 3.1 presenta as seguintes novidades con respecto á versión anterior 3.0:

• Incorporouse a opción de elixir o idioma entre Español, Galego, Inglés e Portugués. A tradución afecta á aplicación e á axuda xeral, pero non se traduciron as axudas dos módulos.

• Revisáronse e melloráronse puntualmente todas as axudas do programa. Ademais, engadiuse a axuda correspondente ao submódulo de detección de clústers dentro do módulo de vixilancia en saúde pública.

• No módulo de probas diagnósticas, submódulo de proba de referencia imperfecta e a opción de sensibilidade e especificidade coñecidas, incorporouse o cálculo dos intervalos de confianza, mediante o método bootstrap, para os indicadores que avalíen a proba diagnóstica.

• Corrixíronse os erros detectados na versión 3.0. A listaxe detallada de erros pode consultarse na páxina web da Dirección Xeral de Saúde Pública. Tamén está dispoñible en formato pdf (só en Español).