HCEPRO (Historia Clínica Electrónica orientada ao seguimento integral do paciente en todo o continuo asistencial)

Escoitar

Trátase da evolución do sistema de historia clínica electrónica corporativo (IANUS) orientada á xestión por procesos/problemas de saúde, e permitindo un modelo de coidado do paciente con condicións crónicas no que estean implicados a organización sanitaria, o paciente e a súa contorna.
Compóñense das seguintes funcionalidades:

Estación clínica orientada a procesos/problemas de saúde: Acceso e rexistro da historia clínica, cunha visión articulada ao redor dos problemas do paciente, de forma independente ao ámbito ou centro no se que se produzan os distintos actos clínicos.
Historia clínica móbil: Acceso e rexistro á historia clínica para dispositivos móbiles (smartphones, tabletas) responsable de cubrir os escenarios de hospital en casa, atención en planta ou servizos de urxencias.
Estación clínica de enfermaría: Estación de traballo específica para o colectivo de enfermería ao redor do coidado integral do paciente, abarcando todos os ámbitos asistenciais e dando soporte á Historia clínica móbil, para os procesos de asistencia relacionados co seguimento domiciliario de pacientes.
Xestor de protocolos: Definición e xestión de protocolos de atención terapéutica para o tratamento de patoloxías, seguimento de pacientes crónicos ou definición de accións preventivas.
Xestor de ordes médicas: Xestor de prescrición para o coidado dun paciente, ben de perfil médico ou enfermería, abarcando solicitude de probas diagnósticas, indicacións terapéuticas, solicitude de interconsultas, prescrición farmacolóxica, pautas de tomas de constantes,...
Repositorio de variables clínicas: Rexistro corporativo de constantes clínicas con capacidade evolutiva para definir, modificar ou eliminar variables.
Módulo de escalas: Ferramenta de soporte ao diagnostico mediante escalas de valoración aplicables en distintos ámbitos por profesionais médicos e de enfermería.

O piloto levou a cabo en catro centros de saúde, dous servizos de dous centros hospitalarios dentro da mesma EOXI e un servizo dun centro hospitalario doutra EOXI distinta (EOXI da Coruña, EOXI de Lugo, Cervo e Monforte e EOXI de Ourense, Verín e Barco de Valedorras).