CMDVOZ (Plataforma de recoñecemento de voz avanzada)

Esta plataforma permite a definición e xestión de comandos de voz para interactuar cos sistemas de información da organización e dispoñer dunha ferramenta que permita ampliar as opcións de transcrición e ditado dos profesionais da organización, así como a combinación de ambas as accións de forma independente aos sistemas de información cos que interactúa e do dispositivo de captura de audio que utiliza o usuario.
Permite o uso de comandos, é dicir, o control de distintos sistemas de información e tamén realiza funcións de transcrición para incorporar contidos a documentos clínicos. Esta función realízase de forma independente e autónoma, sen necesidade de desenvolvemento por parte dos sistemas para controlar mediante comandos de voz.
O piloto levou a cabo na EOXI de Ferrol (APWEB, Anatomía Patolóxica) e na EOXI de Ourense, Verín e Barco de Valdeorras (SAVAQ, Sistema avanzado de xestión cirúrxica).