É unha base de datos informatizada, constituída por todos os pacientes que esperan a que se lles practique unha intervención cirúrxica non urxente, que foi indicada por un facultativo dun hospital da rede pública do Servizo Galego de Saúde.
O Rexistro integra o conxunto dos rexistros de pacientes en espera cirúrxica dos hospitais da rede pública de Galicia.
Recolle datos que permiten identificalo, clasificalo segundo a gravidade, preparalo para efectuar a intervención, realizar o seu seguimento mentres espera e xestionar adecuadamente a programación dos quirófanos dispoñibles para resolver as intervencións pendentes:
◾o seu nome, enderezo, teléfono de contacto
◾data na que vostede entrou na lista de espera
◾tipo de tratamento que vostede require
◾prioridade de atención establecida polo médico
◾situacións nas que se atopa durante a espera
◾preparación para realizar a intervención