Servizo Galego de Saúde FONDO EUROPEO DE DESENVOLVEMENTO REXIONAL 'Unha maneira de facer Europa' UNIÓN EUROPEA
A PRESTACIÓN DE AXUDA PARA MORRER EN GALICIA. APLICACIÓN DA LEI DE REGULACIÓN DA EUTANASIA

A PRESTACIÓN DE AXUDA PARA MORRER EN GALICIA. APLICACIÓN DA LEI DE REGULACIÓN DA EUTANASIA

A Lei Orgánica 3/2021, do 24 de marzo, de regulación da eutanasia recoñece a toda persoa que cumpra as condicións esixidas o dereito a solicitar e recibir a axuda necesaria para morrer  e establece o procedemento que debe seguirse e as garantías a observar. Entrou en vigor o 25 de xuño de 2021.

Protocolo procedemento prestación axuda morrer

Documento de referencia en Galicia. Establece a sistemática do procedemento e inclúe información dirixida ao sistema sanitario, pacientes e familiares.

Guía técnica asistencial prestación axuda morrer

Documento de axuda dirixido aos/ás profesionais sanitarios/as sobre a aplicación da prestación de axuda para morrer.

Lei Orgánica 3/2021 de regulación da eutanasia

Regula o dereito da prestación de axuda para morrer; establece o procedemento a seguir, as garantías que deben observarse e os deberes dos/as profesionais sanitarios/as e das administracións.

Protocolo actuación valoración incapacidade feito

Documento dirixido aos/ás médicos/as responsables que establece recomendacións para valorar a situación de incapacidade de feito dos/as pacientes que solicitan a prestación de axuda para morrer. Ministerio de Sanidade.

Manual de boas prácticas en eutanasia

Manual elaborado polo Ministerio de Sanidade en colaboración coas comunidades autónomas que inclúe orientacións sobre a correcta posta en marcha da lei.

Protocolo nacional de doazón órganos tras a PAM

Trátase do protocolo nacional para o desenvolvemento harmonizado da doazón tras a aplicación da prestación de axuda a morrer.

Comisión Garantía e Avaliación da Eutanasia da C.A. de Galicia

Órgano administrativo de ámbito autonómico adscrito á Consellería de Sanidade a través da Dirección Xeral de Asistencia Sanitaria. Verifica de forma previa e a posteriori o cumprimento da lei, resolve reclamacións de denegacións e elabora o informe anual de avaliación da prestación. Serve de órgano consultivo na Comunidade Autónoma. Está integrada por 12 membros.

Docencia e formación

Inclúe información sobre as actividades formativas e divulgativas dirixidas a profesionais sanitarios e á poboación. Tamén se incorporan ligazóns a cursos e xornadas organizados por outros organismos.

Informes da Dirección Xeral de Asistencia Sanitaria

Documentos de avaliación da prestación de axuda para morrer.

Instrucións previas

Ligazón ao apartado de Instrucións previas. O documento de instrucións previas permite que unha persoa maior de idade, capaz e libre, manifeste anticipadamente a súa vontade sobre os coidados e tratamentos que podería precisar no futuro e o destino final do seu corpo, co fin de que esta vontade sexa coñecida e respectada no caso de que non poida manifestala persoalmente.