Sí. Vostede pode tomarse un tempo para pensalo. Non é necesario que acepte e asine inmediatamente o formulario de consentimento informado e a folla de inclusión. Pode facelo no mesmo momento que o médico lle fai a indicación ou con posterioridade.

 

Se decide aceptar a intervención cirúrxica, saiba que ten 90 días naturais desde a data de prescrición que figura na folla de inclusión no Rexistro de pacientes en espera cirúrxica, para entregar estes documentos asinados. Transcorrido este prazo, a indicación caducará.

 

Cando se entregue a documentación, o hospital comprobará:

    ◾Que a folla de inclusión estea asinada por vostede e polo cirurxián.

    ◾Que o formulario de consentimento informado estea asinado e incorporado a súa historia clínica.

 

Aínda que vostede teña asinado na folla de consentimento informado, vostede pode revogar a súa decisión en calquera momento.