Descrición das actividades do proceso de programación dos pacientes incluídos no Rexistro de pacientes en espera cirúrxica con prioridade 1
Responsable: Xefe do servizo cirúrxico
Características de calidade:
◾Periodicidade semanal.
◾O xefe do servizo cirúrxico disporá dun informe (informe 2) que conterá información sobre os pacientes con prioridade 1 que están incluídos no rexistro de espera cirúrxica, excepto: os programados para esa semana, os que están en situación de espera médica e aqueles nos que se apraza a intervención por vontade do paciente, desagregado por GNA (especialidade), diagnóstico e procedemento.
Anexos de referencia:
Informe 2. O seu contido será:
◾Número de historia clínica
◾Nome e apelidos do paciente
◾Código do diagnóstico
◾Código do procedemento
◾Literal reservado ao hospital
◾Nome do facultativo que asinou a inclusión
◾Data de inclusión
◾Días de espera no rexistro
◾Días de espera estrutural
◾Situación no rexistro de espera: espera estrutural e non estrutural (aprazamento da intervención por vontade do paciente, rexeitamento doutro centro e espera médica)
◾Programado (data) / non programado
◾Suspensión previa da intervención (si / non)
◾Preoperatorio e consulta de preanestesia (programada: si / non)