Responsable: Xefe do servizo cirúrxico
Características de calidade:
◾Comprobación de que todos os pacientes incluídos no rexistro de espera con prioridade 1 son subsidiarios dun procedemento cirúrxico que se estableceu que debe ser prioridade 1:
◾É preciso ter presente a posibilidade de asignar prioridade 1 a determinados procedementos (de recente incorporación á carteira de servizos ou non) que non se tiveran en conta con anterioridade.
◾No momento que se decida asignar prioridade 1 a un novo procedemento, cómpre cubrir unha ficha por parte do xefe de servizo, que posteriormente será revisada pola sociedade científica correspondente.
◾Periodicidade semanal.
◾O xefe do servizo cirúrxico disporá dun informe (informe 1) que conterá información sobre os pacientes con prioridade 1 incluídos a semana anterior no rexistro de espera cirúrxica (estrutural e non estrutural), desagregado por GNA (especialidade), diagnóstico e procedemento.
◾A asignación da prioridade é susceptible de revisión en calquera momento do proceso de xestión de pacientes en lista de espera cirúrxica que o xefe do servizo cirúrxico, presidente da comisión clínica ou xerente de área ou do complexo hospitalario / hospital estimen oportuno.
Anexos de referencia:
Informe 1. O seu contido será:
◾Número de historia clínica
◾Nome e apelidos do paciente
◾Código do diagnóstico
◾Código do procedemento
◾Literal reservado ao hospital
◾Nome do facultativo que asinou a inclusión
◾Data de inclusión
◾Días de espera no rexistro
◾Situación no rexistro de espera: espera estrutural e non estrutural (aprazamento da intervención por vontade do paciente, rexeitamento doutro centro e espera médica)
◾Programado (data) / non programado