O cadro de persoal da Fundación, conforme ao organigrama detallado, está formado polo seguinte persoal:
1 Director Executivo
1 Director Técnico/Facultativo especialista en Oftalmoloxía
4 Facultativos Especialistas en Oftalmoloxía
1 DUE
1 Titulado Superior non Sanitario
1 Titulado Medio non Sanitario
2 Administrativos
Conta, ademais, con colaboradores que participan nos programas de contactoloxía e adaptación de lentes de contacto e rehabilitación visual.
A enerxía, entusiasmo e motivación de todos eles, ligado á experiencia, profesionalidade e coñecemento, on os ingredientes básicos e os mellores recursos cos que conta o INGO para lograr os obxectivos formulados.
Dirección
Á dirección correspóndenlle as tarefas xenéricas de dirección e representación institucional e, entre outras, a planificación de estratexias e accións para desenvolver, así como a determinación de obxectivos conforme ós Estatutos e os mandatos do seu Órgano de goberno. Tamén elabora o deseño e a análise da estratexia empresarial e o establecemento de obxectivos xerais dentro do control da Fundación.
Área de xestión
Na área económico-financeira trátanse os aspectos de xestión propios da organización, incluíndo, entre eles, non só os aspectos económicos, senón tamén a xestión de recursos humanos, a xestión de medios técnicos e instalacións, a xestión de servizos xerais e a de tecnoloxías da información. Elabora o plan económico e financeiro da entidade asi como o control do cumprimento de toda a información económica.
Área Asistencial
Na área asistencial desenvolverase a realización dos servizos propios da fundación, a investigación de novos servizos e a mellora dos actuais con un alto grado de calidade e tecnicidade, poñendo por diante as prioridades do paciente.
Área administración
Na área de administración e de atención ao doente desenvolverase a secretaría do instituto, o aprovisionamento e xestión de materiais, a recepción do doente, a documentación xeral do centro (tanto de historias clínicas, coma do resto de documentación) así como a facturación. Tamén corresponde a este departamento a recepción e orientación do paciente dentro das instalacións da Fundación.
Área de enfermería
As principais funcións deste departamento son o apoio en quirófano, control de materiais asistenciais (fñarmacos, consultas e quirófano), seguemento de historias clínicas e labores propias de enfermería. Ademais, a enfermeira realiza a súa función profesional en consulta e na organización de quirófano.