Resolución do 29 de
setembro de 2008, da División de Recursos Humanos e Desenvolvemento
Profesional, pola que se declara rematado o proceso selectivo para o ingreso en
determinadas categorías de persoal estatutario, se nomean os aspirantes
seleccionados como persoal estatutario fixo e se lles adxudica con carácter de
destino definitivo a praza correspondente.
A base novena da Resolución da Secretaría Xeral do Servizo
Galego de Saúde do 8 de agosto de 2006 (DOG nº 156, do 14 de agosto), do 19 de
decembro de 2006 (DOG nº 246, do 26 de decembro) e do 22 de decembro de 2006
(DOG nº 247, do 27 de decembro), polas que se convoca concurso-oposición para o
ingreso en determinadas categorías de persoal estatutario do Servizo Galego de
Saúde, dispón que unha vez adxudicados os destinos, publicarase no Diario
Oficial Galicia a resolución pola que se declare finalizado o proceso
selectivo, con nomeamento como persoal estatutario fixo do Servizo Galego de
Saúde e asignación de destino a aqueles aspirantes seleccionados que acrediten
o cumprimento dos requisitos exixidos.
Por todo isto, esta división
ACORDA:
Primeiro.-Declarar finalizado o
concurso-oposición convocado por Resolución da Secretaría Xeral do Servizo
Galego de Saúde do 8 de agosto de 2006 (DOG nº 156, do 14 de agosto), do 19 de
decembro de 2006 (DOG nº 246, do 26 de decembro) e do 22 de decembro de 2006
(DOG nº 247, do 27 de decembro) para o ingreso nas categorías de persoal
estatutario do Servizo Galego de Saúde de cociñeiro, grupo técnico da función
administrativa, grupo de xestión da función administrativa, grupo auxiliar da
función administrativa, persoal de servizos xerais e celador.
Segundo.-Nomear os aspirantes seleccionados
para cada unha das ditas categorías que se inclúen no anexo desta resolución
como persoal estatutario fixo do Servizo Galego de Saúde.
Terceiro.-Adxudicarlles aos ditos aspirantes
con carácter de destino definitivo a praza correspondente que figura no citado
anexo desta resolución.
Cuarto.-Os aspirantes nomeados disporán do
prazo dun mes para incorporarse á praza adxudicada. O cómputo do dito prazo
iniciarase o día seguinte ao da publicación desta resolución no Diario Oficial
de Galicia.
Quinto.-A toma de posesión da praza
efectuarase no centro de xestión a que pertenza esta. A falta de incorporación
no prazo referido, cando sexa imputable ao interesado e non responda a causas
xustificadas, producirá o decaemento do seu dereito a obter a condición de
persoal estatutario fixo como consecuencia do concreto proceso selectivo. No entanto,
en casos de forza maior, e por instancia do interesado, a División de Recursos
Humanos e Desenvolvemento Profesional do Servizo Galego de Saúde poderá
prorrogar o prazo de toma de posesión.
Sexto.-De conformidade co previsto no
punto 6 da base oitava da citada convocatoria, os seguintes aspirantes
dalgunhas categorías, inicialmente seleccionados, non optaron por un destino no
prazo e de acordo co procedemento establecido, polo que non poden ser nomeados
e quedan sen efecto todas as súas actuacións neste proceso selectivo:
Celador: Ana María Vidal Santos, DNI 78780162X.
En consecuencia, chamados os novos aspirantes pola orde de
prelación que resulta da lista definitiva e logo de presentación da
documentación que acredita o cumprimento dos requisitos exixidos na
convocatoria, inclúense os seguintes aspirantes:
Celador: María Aurora Alborja Rodríguez, DNI 36096945D.
Sétimo.-Esta resolución poderá ser
impugnada polos interesados nos termos previstos na base décima da
convocatoria.
Santiago de Compostela, 29 de setembro de 2008.
Antonio José Fernández Paniagua
Director xeral da División de Recursos Humanos e
Desenvolvemento Profesional do Servizo Galego de Saúde