Resolución do 10 de outubro de 2007, da División de Recursos Humanos e Desenvolvemento Profesional, relativo á publicación de puntuacións definitivas dos exercicios da fase de oposición do proceso selectivo convocado pola Resolución do 8 de agosto de 2006 (Diario Oficial de Galicia número 155, do 14 de agosto).

O punto 11 da base sexta A) da resolución da Secretaría Xeral do Servizo Galego de Saúde do 8 de agosto de 2006 (DOG nº 155, do 14 de agosto) pola que se convoca concurso-oposición para o ingreso en determinadas categorías de persoal estatutario do Servizo Galego de Saúde, establece que tras a publicación das puntuacións dos exercicios, os aspirantes poderán presentar reclamación ante o tribunal no prazo de cinco días hábiles seguintes ao de devandita publicación.

A estimación ou desestimación das ditas reclamacións entenderanse implícitas na resolución pola que se publiquen as puntuacións definitivas dos distintos exercicios.

Á vista das reclamacións presentadas en prazo, cada tribunal confirmou as listaxes de puntuacións definitivas outorgadas aos aspirantes, polo que procede agora darlle publicidade, facultándose para iso expresamente este centro directivo, polo que,

RESOLVE:

Primeiro.-Publicar as puntuacións definitivas do segundo exercicio acadadas polos aspirantes das categorías de cociñeiro, do grupo auxiliar da función administrativa e de persoal de servizos xerais de persoal estatutario do Servizo Galego de Saúde, convocado pola resolución da Secretaría Xeral do Servizo Galego de Saúde do 8 de agosto de 2006 (DOG nº 155, do 14 de agosto).

A estimación ou desestimación das devanditas reclamacións entenderanse implícitas nesta resolución de publicación.

Segundo.-Esta resolución poderá ser impugnada polos interesados nos termos previstos no número 2 da base décima da citada convocatoria.

Santiago de Compostela, 10 de outubro de 2007.

Antonio José Fernández Paniagua

Director xeral da División de Recursos Humanos e Desenvolvemento Profesional