Resolución do 19 de xaneiro de 2007,
da División de Recursos Humanos e Desenvolvemento Profesional, pola que se
declaran, con carácter definitivo, os aspirantes admitidos e excluídos para
participar no concurso-oposición para o ingreso en determinadas categorías de
persoal estatutario do organismo.
Por
resolución deste centro directivo do 28 de novembro de 2006 (Diario Oficial de
Galicia nº 237, do 12 de decembro), decláranse con carácter pro
visorio
os admitidos e excluídos para participar no concurso oposición para o ingreso
nas categorías de cociñeiro, hixienista dental, telefonista e terapeuta
ocupacional de persoal estatutario do Servizo Galego de Saúde, convocado pola
resolución da Secretaría Xeral do Servizo Galego de Saúde do 8 de agosto de
2006 (Diario Oficial de Galicia nº 155, do 14 de agosto).
Rematado
o prazo previsto para corrixir, se é o caso, o defecto que motivou a súa
exclusión, procede agora, de conformidade co disposto no número 4 da base
cuarta da convocatoria, ditar resolución en que se publican as listaxes
definitivas de aspirantes admitidos e excluídos para estas categorías
convocadas sinalando os lugares onde poder ser examinadas.
Por
todo iso, esta división
ACORDA:
Primeiro.-Publicar as listaxes definitivas de
aspirantes admitidos e excluídos das categorías de cociñeiro, hixienista
dental, telefonista e terapeuta ocupacional de persoal estatutario do Servizo
Galego de Saúde, do proceso selectivo convocado pola resolución da Secretaría
Xeral do Servizo Galego de Saúde, do 8 de agosto de 2006 (Diario Oficial de
Galicia nº 155, do 14 de agosto).
Segundo.-As listaxes coa relación definitiva
de aspirantes admitidos e excluídos poderán examinarse nos taboleiros de
anuncios dos servizos centrais e periféricos da Consellería de Sanidade e do
Servizo Galego de Saúde, nos dos centros de xestión de atención primaria e
especializada do Servizo Galego de Saúde e na páxina web do Sergas
(www.sergas.es).
Terceiro.- Contra esta resolución poderase
interpoñer recurso potestativo de reposición ante devandito órgano no prazo dun
mes contado desde o día seguinte ao da publicación no Diario Oficial de
Galicia, de conformidade co establecido na Lei 30/1992, do 26 de novembro, ou
poderase interpoñer directamente recurso contencioso-administrativo ante a Sala
do Contencioso-Administrativo do Tribunal Superior de Xustiza de Galicia no
prazo de dous meses contados desde a mesma data, de conformidade co disposto no
artigo 8.2º da Lei 29/1998, do 13 de xullo, en relación co artigo 10.1º do
mesmo texto legal.
Santiago
de Compostela, 19 de xaneiro de 2007.
Antonio
José Fernández Paniagua
Director
xeral da División de Recursos Humanos e Desenvolvemento Profesional