Orde do
19 de maio de 2003 pola que se normaliza o sistema de información e control da
demanda de actividade programada de hospitalización, cirurxía e salas na rede de
hospitais do Servicio Galego de Saúde[1].
A Orde do
2 de setembro de 1992, estableceu a estructura básica do sistema de información
na área asistencial da atención especializada do Sergas. Con esta estructura
víñase cumpri-lo mandato establecido no artigo 23 da Lei 14/1986, do 25 de
abril, xeral de sanidade polo que se establece que as administracións sanitarias
crearían rexistros e elaborarían as análises de información necesarias para o
coñecemento das distintas situacións das que se poidan derivar accións de
intervención da actividade sanitaria.
Como
consecuencia disto, a Orde do 15 de xuño de 1995, estableceu un sistema de
información e control da demanda de actividade programada en hospitalización e
cirurxía, tanto para a actividade propia como para a derivada a centros
concertados. Tras un período de funcionamento, a Orde do 14 de xaneiro de 1997
veu axustar algúns aspectos que se manifestaron como pouco operativos. Co
obxecto de avanzar na mellora da satisfacción do usuario mediante un mellor
coñecemento do proceso asistencial, proporcionando información de fácil
comprensión que mantivera no fundamental a homoxeneidade en tódolos centros, a
Orde do 25 de novembro de 1998, regulamentou o procedemento de inclusión dos
pacientes en colas de programación e estableceu as características básicas do
formulario de solicitude de inclusión nelas, mellorando a equidade no acceso ós
servicios sanitarios.
No ano
2001, o Consello Interterritorial do Sistema Nacional de Saúde en uso das súas
funcións de coordinación sanitaria, estableceu unha serie de criterios
homoxéneos de medicións das listas de espera en todo o territorio nacional e
aprobou un documento no que se inclúe a adaptación progresiva dos sistemas de
información de cada servicio autónomo de saúde ás recomendacións efectuadas por
un grupo de expertos. En consecuencia, a Comunidade Autónoma de Galicia debe
adapta-lo seu sistema de información e control da demanda de actividade
programada de hospitalización, cirurxía e salas, ás recomendacións aprobadas
polo pleno do Consello Interterritorial do Sistema Nacional de Saúde para todo o
territorio nacional. Esta adaptación afecta tanto á actividade propia do Sergas
como á derivada a centros concertados.
En
definitiva, a finalidade desta orde é garanti-la transparencia e homoxeneidade
da información facilitada ó cidadán sobre a lista de espera e posibilita-la
análise de resultados, necesidades e avaliación do funcionamento do noso sistema
sanitario e do Sistema Nacional de Saúde.
En
consecuencia, no uso das facultades que me confiren os artigos 34 e 38 da Lei
1/1983, do 22 de febreiro, reguladora da Xunta e do seu presidente, reformada
pola Lei 11/1988, do 22 de outubro
DISPOÑO:
Artigo
1º.-Obxecto.
O obxecto
desta orde é a actualización do sistema de información e control da demanda de
actividade programada de hospitalización, cirurxía e salas. Comprende tanto a
actividade propia como a derivada a centros concertados.
Artigo
2º.-Rexistro de pacientes en espera.
1. O
rexistro de pacientes en espera de atención programada de hospitalización,
cirurxía e salas inclúe a tódolos pacientes pendentes da prestación dun servicio
asistencial, con prescrición non urxente dunha atención médica indicada por un
facultativo e aceptada polo paciente, e para a que está prevista a utilización
dun recurso dependente do hospital (propio ou concertado).
Non
inclúe os pacientes pendentes de atención cando esta sexa programada durante o
episodio de hospitalización no que se establece a
indicación.
2. Os
pacientes incluídos no rexistro clasifícanse en función do tipo de espera, tal e
como se recolle no anexo I.
3. Os
hospitais, no momento da inclusión dun paciente no rexistro de pacientes en
espera de atención programada, clasificarano segundo os tipos de rexistro que
figuran no anexo II.
Artigo
3º.-Información ó usuario.
No
momento da solicitude de inclusión no rexistro de pacientes en espera, deberá
facilitárselles por escrito a tódolos usuarios do sistema, un número de teléfono
de contacto co centro, así como información respecto do funcionamento do
procedemento de inclusión no devandito rexistro. Esta información debe conter,
como mínimo, a data e motivo da inclusión, as pautas de localización e os
criterios de entrada e saída.
Artigo
4º.-Procedemento de inclusión no rexistro de pacientes en
espera.
1. A
inclusión dun paciente neste rexistro é un acto clínico que sempre deberá
recollerse na folla de inclusión que se presenta no anexo III, que deberá ser
asinada polo facultativo prescritor e o paciente. A data de inclusión será
aquela na que a folla sexa asinada por ámbalas dúas partes (facultativo e
paciente).
2. A
folla de inclusión no rexistro de pacientes en espera constará de tres
exemplares, un para a historia clínica, outro para o servicio de admisión do
hospital e outro para o paciente.
O
exemplar para o paciente deberá incluír no seu reverso as instruccións que
figuran ó final do anexo III.
O
exemplar para o servicio de admisión deberá arquivarse no propio servicio
durante un período de alomenos dous anos.
3. A
cobertura dos distintos epígrafes da folla corresponderalle ó facultativo
responsable da inclusión e ó persoal do servicio de admisión, tal e como se
especifica no anexo IV.
4. O
responsable de entregarlle ó paciente o seu exemplar da folla debidamente
asinado, cuberto e lexible en tódolos seus puntos será o facultativo prescritor
ou o servicio de admisión, en función dos circuítos existentes en cada hospital
relativos á circulación de pacientes, que deberán ser regulados formalmente polo
director xerente do hospital.
5. O
servicio de admisión recibirá o seu exemplar do folla directamente desde o
servicio prescritor ou entregado polo propio paciente, cotexará os datos da
folla de inclusión e cubrirá aqueles que sexan da súa competencia, incorporando
tamén de xeito mecanizado ou mediante cuño a data de
recepción.
Así
mesmo, mecanizará no aplicativo informático e sen modificacións os datos tan só
daquelas follas que estean asinadas polo facultativo prescritor e o
paciente.
Artigo
5º.-Modificación das condicións do rexistro de pacientes en espera por
iniciativa médica.
1. A
modificación das condicións do rexistro de pacientes en espera por iniciativa
médica, debe ser recollida no modelo de folla que se presenta no anexo
V.
Esta
folla constará de tres exemplares, un para a historia clínica, outro para o
servicio de admisión do hospital e outro para o paciente. O exemplar para o
servicio de admisión deberá arquivarse no propio servicio durante un período de
alomenos dous anos.
A
cobertura dos distintos epígrafes da folla corresponderalle a un facultativo do
servicio responsable da prescrición.
2. O
responsable, de entregarlle ó paciente o seu exemplar da folla debidamente
asinado, cuberto e lexible en tódolos seus puntos será un facultativo do
servicio responsable da prescrición ou o servicio de admisión, en función dos
circuítos existentes en cada hospital relativos á circulación de pacientes, que
deberán ser regulados formalmente polo director xerente do
hospital.
3. O
servicio de admisión mecanizará no aplicativo informático e sen modificacións os
datos tan só daquelas follas que estean asinadas por un facultativo do servicio
responsable da prescrición.
4. Deberá
cubrirse unha nova folla para cada unha das modificacións que se produzan entre
a inclusión e a saída do paciente do rexistro.
Artigo
6º.-Modificación das condicións do rexistro de pacientes en espera por
iniciativa do paciente.
1. A
modificación das condicións do rexistro de pacientes en espera por iniciativa do
paciente, debe ser recollida no modelo de folla que se presenta no anexo
VI.
Esta
folla constará de tres exemplares, un para a historia clínica, outro para o
servicio de admisión do hospital e outro para o paciente. O exemplar para o
servicio de admisión deberá arquivarse no propio servicio durante un período de
alomenos dous anos.
2. A
cobertura dos distintos epígrafes da folla corresponderalle ó persoal do
servicio de admisión que será o responsable, se procede, de entregarlle ó
paciente o seu exemplar da folla debidamente asinado, cuberto e lexible en
tódolos seus puntos.
3. O
servicio de admisión mecanizará no aplicativo informático e sen modificacións os
datos tan só daquelas follas que estean asinadas polo servicio de admisión e, se
procede, tamén polo paciente.
4. Deberá
cubrirse unha nova folla para cada unha das modificacións que se produzan entre
a inclusión e a saída do paciente do rexistro.
Artigo
7º.-Derivacións a centros concertados.
1. O
centro remitirá á Dirección Provincial do Sergas unha listaxe periódica dos
pacientes que deriva ós centros concertados. Esta listaxe incluirá a seguinte
información:
-Nome e
apelidos do paciente.
-Teléfono
de contacto.
-Data de
inclusión.
-GNA.
-Tipo de
rexistro de pacientes en espera.
-Prioridade.
-Diagnóstico/procedemento.
-Nome do
centro concertado, se procede.
-Sinatura
do servicio de admisión.
2. A
Dirección Provincial do Sergas remitiralle a cada centro concertado a listaxe
cos pacientes que deberá atender. O centro concertado deberá comunicarlle á
Dirección Provincial do Sergas e ó centro que derivou ó paciente, no mesmo día
que se produza, a resolución da demanda indicando o
motivo.
Esta data
será mecanizada polo centro remitente como a data de saída do paciente do seu
rexistro.
3. O
centro concertado tamén deberá comunicarlle ó centro remitente calquera outra
circunstancia que supoña a non posibilidade de atención do paciente no centro ó
que foi derivado.
Artigo
8º.-Procedemento de inclusión noutros centros do Sergas.
1. Para a
inclusión na cola de programación doutros centros do Sergas, o servicio de
admisión do centro remitente deberá elaborar e remiti-lo servicio de admisión do
centro de destino unha listaxe dos pacientes ós que se lles ofertou e aceptaron
a derivación. Esta listaxe incluirá a seguinte
información:
-Nome e
apelidos do paciente.
-Teléfono
de contacto.
-Data de
inclusión.
-GNA.
-Tipo de
rexistro de pacientes en espera.
-Prioridade.
-Diagnóstico/procedemento.
-Nome do
centro de destino.
-Sinatura
do servicio de admisión.
2. O
centro de destino deberá cumprimentar unha nova folla de inclusión no rexistro
de lista de espera coa data de inclusión que figura na listaxe. O motivo de
entrada destes pacientes que deberán mecanizar no seu aplicativo informático
será prescrición facultativa.
3. Así
mesmo, deberá comunicarlle ó servicio de admisión do centro remitente a data de
recepción desta listaxe. Esta data será mecanizada polo centro remitente como a
data de saída dos pacientes do seu rexistro.
4. O
centro de destino tamén deberá comunicarlle o centro remitente calquera outra
circunstancia que supoña a non posibilidade de atención dos
pacientes.
Artigo
9º.-Movementos no rexistro de pacientes en espera.
1. Os
motivos de entrada e saída dun episodio no rexistro de pacientes en espera de
atención programada, recóllense no anexo VII, e deberán ser rexistrados na
aplicación informática de forma obrigatoria.
2. Cada
episodio do rexistro terá un único motivo de entrada e un único motivo de
saída.
Disposicións
adicionais
Primeira.-Os
directores xerentes dos hospitais serán os responsables do correcto cumprimento
no seu centro do establecido nesta orde.
Segunda.-Os
servicios centrais do Sergas terán acceso ós datos introducidos no sistema
informático de cada hospital, que serán recollidos de acordo cos criterios
establecidos nesta orde.
Disposición
transitoria
Tódolos
hospitais do Sergas deberán adapta-los seus procedementos de inclusión no
rexistro de pacientes en espera de actividade programada antes do 1 de xullo de
2003.
Disposición
derrogatoria
Quedan
derrogadas a Orde do 15 de xuño de 1995 pola que se completa a estructura
normalizada do sistema de información sanitaria dos hospitais do Sergas, a Orde
do 14 de xaneiro de 1997 que modifica á anterior, e a Orde do 25 de novembro de
1998 pola que se normaliza o procedemento de inclusión dos pacientes en colas de
programación cirúrxicas e de hospitalización na rede de hospitais do Servicio
Galego de Saúde.
Disposición
derradeira
Esta orde
entra en vigor o día seguinte ó de súa publicación no Diario Oficial de
Galicia.
ANEXO
I
Categorías
normalizadas
1.
Pacientes en espera estructural: inclúe os pacientes que nun momento dado están
en situación de ser atendidos e a súa espera é atribuíble á organización dos
recursos dispoñibles. Atendendo á súa situación, estes clasifícanse
en:
a)
Pacientes programables: inclúe os de pacientes que están en disposición de seren
programados en calquera momento.
b)
Pacientes en derivación: pacientes os que se lles ofertou e aceptaron a
derivación a un centro concertado ou a outro centro do
Sergas.
2.
Pacientes en espera non estructural: inclúe os pacientes que nun momento dado
están pendentes de seren atendidos, pero a súa espera non é atribuíble á
organización dos recursos dispoñibles. Atendendo ás causas que motivan a espera,
estes clasifícanse en:
a)
Pacientes transitoriamente non programables: a súa programación non é posible
nun momento dado, por algunha das seguintes causas:
-Espera
médica, por motivos clínicos que contraindican ou non aconsellan temporalmente a
atención.
-Espera
por estar en situación de: posponse por vontade do
paciente.
b)
Pacientes en espera trala negación da derivación a un centro concertado ou a
outro centro do Sergas.
ANEXO
II
Tipos de
rexistros de pacientes en espera
01.
Hospitalización cirúrxica.
Inclúe
todos aqueles pacientes que precisan unha intervención cirúrxica en quirófano,
prescrita por un facultativo dun servicio cirúrxico e para a que é necesario
programa-lo ingreso no hospital.
02.
Procedemento de cirurxía maior ambulatoria en quirófano.
Inclúe
todos aqueles pacientes que precisan unha intervención de cirurxía maior en
quirófano, prescrita por un facultativo dun servicio cirúrxico e para a que non
é necesario programa-lo ingreso no hospital.
03.
Procedemento de cirurxía menor ambulatoria.
Inclúe
todos aqueles pacientes que precisan unha intervención de cirurxía menor,
prescrita por un facultativo dun servicio cirúrxico e para a que non é necesario
programa-lo ingreso no hospital.
04.
Procedemento con ingreso en sala especial.
Inclúe
todos aqueles pacientes que precisan a realización dun procedemento en
quirofaniño (non cirúrxico), quirófano (non cirúrxico), salas de cardioloxía,
salas de radiología intervencionista, salas de radioterapia ou salas de medicina
nuclear, para o que é necesario programa-lo ingreso no
hospital.
05.
Procedemento ambulatorio en sala especial.
Inclúe
todos aqueles pacientes que precisan a realización dun procedemento en
quirofaniño (non cirúrxico), quirófano (non cirúrxico), salas de cardioloxía,
salas de radiología intervencionista, salas de radioterapia ou salas de medicina
nuclear, para o que non é necesario programa-lo ingreso no
hospital.
06.
Endoscopia con ingreso.
Inclúe
todos aqueles pacientes que precisan a realización dunha endoscopia para a que é
necesario programa-lo ingreso no hospital.
07.
Endoscopia ambulatoria.
Inclúe
todos aqueles pacientes que precisan a realización dunha endoscopia para a que
non é necesario programa-lo ingreso no hospital.
08.
Braquiterapia con ingreso.
Inclúe
todos aqueles pacientes que precisan a realización nunha sala de braquiterapia
dunha exploración para a que é necesario programa-lo ingreso no
hospital.
09.
Braquiterapia ambulatoria.
Inclúe
todos aqueles pacientes que precisan a realización nunha sala de braquiterapia
dunha exploración para a que non é necesario programa-lo ingreso no
hospital.
10.
Hospitalización médica con ingreso.
Inclúe
todos aqueles pacientes que precisan atención médica para a que é necesaria
programa-lo ingreso no hospital.
ANEXO III
(continuación)
Instruccións
do reverso do exemplar para o
paciente da folla de inclusión no rexistro
de
pacientes en espera
Información
para o paciente.
O médico
que o atende considerou que o seu proceso require unha resolución non urxente,
motivo polo que foi incluído na lista de espera do
hospital.
A partir
do momento en que vostede asine esta folla e a entregue no hospital adquirímo-lo
compromiso de poñer en marcha as accións necesarias para a resolución da súa
demanda no menor prazo posible. Para acadar este obxectivo e garanti-la boa
xestión da lista de espera, precisamos da súa colaboración e comprensión nas
seguintes cuestións:
1. Se
cambia de domicilio ou teléfono, rogámoslle informe dos novos datos ó servicio
de admisión; doutra forma resultaríanos imposible
localizalo.
2. Para
confirmarlle a data en que será atendido, o servicio de admisión porase en
contacto con vostede por vía telefónica.
a) Se
despois de 2 días consecutivos de chamada non é posible localizalo, enviaremos
un correo certificado urxente con xustificante de recepción e se no prazo de 7
días, trala recepción da carta, aínda non se tivese posto en contacto co
hospital, enten deriamos que rexeita a súa petición de asistencia, polo que
sería excluído da lista de espera.
b) Caso
de que vostede, antes de recibi-la chamada, deixara de precisa-la atención
solicitada, agradeceriámoslle que nolo notificase para a súa exclusión da lista
de espera, co que axudaría a unha máis rápida atención a outros pacientes en
situación semellante.
3. Unha
vez confirmada a data en que será atendido:
a) No
caso de producirse algunha circunstancia que lle impida acudir ó hospital nos
días sinalados, rogámoslle que nolo comunique o antes posible, poñéndose en
contacto co servicio de admisión.
b) Se non
acode á cita e o motivo polo que non o fai non é xustificado, o hospital entende
que vostede renuncia á súa solicitude de atención, polo que sería excluído da
lista de espera.
4. Co fin
de diminuí-lo tempo de espera, este hospital pode contar co apoio doutros
centros sanitarios acreditados para a resolución da súa patoloxía. Se ante a
imposibilidade de operalo nun prazo razoable no noso hospital, ofertámoslle
acudir a outro centro, teña a absoluta certeza de que nese centro a asistencia é
de total garantía.
5. Se
vostede ve que se supera a data prevista para prestarlle o servicio, sen que o
hospital contacte con vostede, non dubide en chamar.
Esperamos
satisfacer tódalas súas necesidades de información sobre a súa situación na
lista de espera. Non obstante, quedamos á súa disposición para calquera
aclaración, para o que poderá dirixirse o servicio de admisión do hospital no
horario que figura nesta folla.
Agradecémoslle
a confianza depositada neste hospital.
A
dirección do hospital
ANEXO
IV
Sección
A: datos comúns.
Os datos
seguintes son obrigatorios nos exemplares para a historia clínica, o servicio de
admisión e o paciente.
a) Datos
xerais.
Estarán
preimpresos nos tres exemplares:
-Logotipo
e nome do hospital.
-Teléfono
do servicio de admisión.
-Horario
de atención ó público do servicio de admisión.
b) Datos
administrativos do usuario.
O
formulario levará un espacio reservado para a etiqueta que contén os datos do
paciente, que se colocará nos tres exemplares. Noutro espacio levará tamén en
branco os seguintes epígrafes:
-Número
de historia clínica.
-Número
de tarxeta sanitaria.
-Apelidos
e nome do paciente.
-Data de
nacemento.
-Sexo.
-Enderezo
actualizado.
-Teléfono
persoal actualizado.
-Segundo
teléfono de contacto.
A maioría
destes datos están incluídos na etiqueta identificativa. O facultativo
unicamente cubrirá de forma manuscrita os datos que
falten.
c)
Prescrición.
Consignaranse
os datos da unidade que fai a inclusión en lista de espera. Levará os seguintes
epígrafes, que cubrirá obrigatoria e completamente o facultativo que prescribe a
atención:
-Médico
prescritor: nome e apelidos do facultativo.
-Servicio
prescritor: servicio ó que pertence o médico prescritor.
-Data de
prescrición: data na que o facultativo prescritor asina a folla de
inclusión.
d) Datos
clínicos.
Este
punto será cuberto polo facultativo que prescribe a
atención.
O persoal
do servicio de admisión introducirá no aplicativo informático os literais dos
diagnósticos e procedementos escritos polos facultativos prescritores na folla
inclusión en cola de programación, e asignará códigos CIE
provisionais.
O persoal
da unidade de codificación recollerá esta información e revisará e corrixirá, se
é o caso, só os códigos CIE, sendo un deles o responsable desta actividade. Tras
esta revisión, os códigos serán considerados validados e
definitivos.
A
codificación inclúe tódolos tipos de colas de programación definidos nesta orde
e os que se incorporen con posterioridade á súa data de entrada en
vigor.
e)
Prioridade.
Este
punto será consignado polo facultativo que prescribe a atención. Recollerase a
prioridade clínica segundo o seguinte criterio:
-Prioridade
1: inclúe os pacientes nos que a súa atención, sendo programable, non admite
unha espera superior ós 30 días.
-Prioridade
2: inclúe os pacientes con situación clínica ou social que admite unha espera
relativa, sendo recomendable a atención nun prazo inferior a 90
días.
-Prioridade
3: inclúe os pacientes con patoloxías que permitan a espera no tratamento, xa
que non produce secuelas importantes.
f) Data
aproximada para ser atendido.
O
facultativo prescritor cubrirá este punto en función do tempo previsto de espera
para a patoloxía do paciente no momento da inclusión.
g)
Paciente non derivable a centro concertado.
O
facultativo deberá marcar se o paciente non se debe derivar a un centro
concertado e o motivo polo que non se lle debe de oferta-la
derivación.
h)
Sinaturas.
Sinaturas
do facultativo que prescribe a inclusión no rexistro de pacientes en espera e do
paciente aceptándoa, que inclúe a lenda «o paciente xa asinou o formulario de
obtención do consentimento informado».
i) Data
de inclusión.
A data de
inclusión é a que determina a antigüidade do paciente no
rexistro.
O
paciente pode asina-la folla de inclusión no momento da prescrición ou con
posterioridade. No primeiro caso, a data de inclusión será a mesma que a data de
prescrición. No segundo caso, a data de inclusión será aquela na que se entregue
a folla de inclusión asinada polo paciente no servicio de
admisión.
O
paciente disporá de 90 días naturais para entregar no servicio de admisión do
hospital a folla de inclusión asinada. Transcorrido ese tempo, a folla de
inclusión no rexistro de pacientes en espera caducará.
Sección
B: datos complementarios.
Os datos
seguintes son obrigatorios nalgún dos tres exemplares.
a) Tipo
de rexistro de pacientes en espera.
Constará
nos exemplares para a historia clínica e o servicio de admisión. O facultativo
prescritor sinalará o tipo de rexistro de que se trate:
01.
Hospitalización cirúrxica.
02.
Procedemento de cirurxía maior ambulatoria en quirófano.
03.
Procedemento de cirurxía menor ambulatoria.
04.
Procedemento con ingreso en sala especial.
05.
Procedemento ambulatorio en sala especial.
06.
Endoscopia con ingreso.
07.
Endoscopia ambulatoria.
08.
Braquiterapia con ingreso.
09.
Braquiterapia ambulatoria.
10.
Hospitalización médica con ingreso.
b)
Estudio preoperatorio.
Este
punto é obrigatorio nos exemplares para a historia clínica e o servicio de
admisión. Cada hospital, atendendo ás súas particularidades e ós protocolos que
existen consensuados co servicio de anestesia, consignará os estudios que
considere oportunos. Os que a continuación se sinalan son a título
orientativo:
-Exploración
radiolóxica.
-Electrocardiograma.
-Analítica
ordinaria.
-Analítica
específica.
-Grupo
sanguíneo/RH.
-Consulta
de anestesia.
-Outras
probas.
c)
Anestesia.
Este
punto é obrigatorio nos exemplares para a historia clínica e o servicio de
admisión. O facultativo sinalará a que proceda, sen menoscabo da opinión do
servicio de anestesia.
-Xeral.
-Local.
-Rexional.
-Combinada.
-Sedación.
-Sen
anestesia.
Observacións:
consignaranse datos ou aspectos relacionados coa anestesia que se consideren
significativos.
d)
Hemoterapia.
Este
punto é obrigatorio nos exemplares para a historia clínica e o servicio de
admisión. O facultativo sinalará se é preciso ou non:
-Apoio
hemoterápico.
-Autotransfusión.
n) Data
de recepción do formulario no servicio de admisión.
É
obrigatorio no exemplar para o servicio de admisión.
e)
Observacións.
Este
punto é obrigatorio nos exemplares para a historia clínica e o servicio de
admisión. Inclúe as consideracións do facultativo para o servicio de admisión. O
facultativo prescritor formulará aquí as advertencias, notas e datos
significativos do paciente que deban ser tidos en conta polo servicio de
admisión. Tamén inclúe as consideracións do servicio de admisión: anotaranse
tódalas circunstancias por parte de admisión que teñan relación coa programación
da atención.
g)
Información para o usuario.
É
obrigatoria no exemplar para o paciente.
ANEXO
VII
Movementos
no rexistro de pacientes en espera
Motivos
de entrada.
1.
Prescrición facultativa.
Tódolos
pacientes entran no rexistro trala formalización polo facultativo prescritor e o
asinamento do paciente da folla de inclusión no rexistro de pacientes en
espera.
Motivos
de saída.
1.
Demanda satisfeita programada polo hospital.
Satisfaise
a demanda polo propio centro hospitalario de xeito programado. Trátase dun
paciente que acode ó hospital cando é chamado polo servicio de admisión e é
atendido polo mesmo problema polo que estaba en espera.
2.
Demanda satisfeita urxente polo hospital. Satisfaise a demanda polo propio
centro hospitalario de xeito urxente Satisfácese a demanda no propio centro
hospitalario de xeito urxente. Trátase dun paciente que acode a urxencias e é
atendido polo mesmo proceso polo que estaba en espera.
3.
Excluído por orde facultativa.
Neste
caso debe existir un informe médico onde se estableza a contraindicación
permanente ou non necesidade do tratamento que motivou a súa
inclusión.
4.
Renuncia voluntaria.
Prodúcese
cando os pacientes cos que se establece contacto indican que, a pesar de non
resolve-lo problema e non ter indicación médica en contra, non están interesados
en someterse ó proceso que demandaban, de acordo co exemplar para o paciente da
folla de inclusión no rexistro de pacientes en espera.
5.
Exitus.
Inclúe os
pacientes que faleceron estando en espera.
6.
Posponse por vontade do paciente sen causa xustificada.
Nesta
situación, o paciente manifesta sen xustificación a súa imposibilidade de acudir
ó centro.
7.
Paciente non localizado.
Non se
pode contactar co paciente aplicando o protocolo de localización, consistente en
dúas chamadas telefónicas en 48 horas e unha carta certificada con xustificante
de recepción, na que se establece un prazo de 7 días para que o paciente se poña
en contacto co centro.
8.
Satisfacción da demanda por outros medios.
Pacientes
que resolveron o seu problema por iniciativa propia noutros
centros.
9. Non
acude á cita.
Pacientes
cos que se establece contacto e se programou a actuación para unha data
determinada. Dáse un prazo de 7 días no que o paciente non se pon en contacto co
centro ou a causa pola que non acudiu non é xustificada.
10.
Demanda satisfeita en centro concertado.
Satisfácese
a demanda nun centro concertado. Trátase dun paciente que aceptou a derivación a
un centro concertado e é atendido neste polo mesmo proceso polo que estaba en
espera.
11.
Inclusión noutro centro do Sergas.
Inclúese
o paciente no rexistro de pacientes en espera doutro centro do Sergas. Trátase
dun paciente que aceptou a derivación a outro centro do Sergas e foi incluído no
rexistro de pacientes en espera do centro de destino polo mesmo proceso polo que
estaba en espera.