Obxecto e ámbito de aplicación

Terán dereito á compensación destes gastos as persoas usuarias que dispoñan de tarxeta sanitaria en vigor emitida polo Servizo Galego de Saúde, que teñan autorizado o desprazamento a outro centro sanitario con fins asistenciais por criterio médico.

• Tratamentos de diálise, rehabilitación, quimioterapia, radioterapia e outros tratamentos para o cancro.
• Outros tipos de tratamentos que precisen realizar un número igual ou superior a 8 asistencias en períodos de 30 días.

b) Os gastos por desprazamento, manutención e aloxamento que se produzan por diagnóstico ou tratamento fóra da Área Sanitaria, da Comunidade Autónoma ou fóra do territorio nacional, nos seguintes casos:

• Para diagnóstico, confirmación de diagnóstico ou tratamento dunha enfermidade rara, entendendo por tal aquela cuxa prevalencia é inferior a 5 casos por cada 10.000 persoas na Unión Europea.
• Para o exercicio do dereito a unha segunda opinión médica.
• Para recibir algún tipo de tratamento que non se realice no hospital de orixe.

  Deberán contar necesariamente coa previa autorización da Xerencia da referida área sanitaria ou do órgano competente en materia de Asistencia Sanitaria, de ser o caso.

Non se compensarán os gastos de desprazamentos, aloxamento e manutención nos seguintes casos:

a) Os desprazamentos que se realicen con orixe e destino dentro do mesmo municipio.

Forma, lugar e prazo de presentación da solicitude

• Opcionalmente, poderase presentar presencialmente en calquera dos lugares e rexistros establecidos na normativa reguladora do procedemento administrativo común.
• Para a presentación electrónica poderase empregar calquera dos mecanismos de identificación e sinatura admitidos pola sede electrónica da xunta de Galicia.
• No ccaso de falecemento da persoa titular da axuda, poderá presentar a solicitude a persoa que acredite, segundo corresponda, o dereito á axuda ou o reintegro.

2. O prazo de presentación de solicitudes será dun ano a contar desde a data do desprazamento, e dirixirase á xerencia da área sanitaria de referencia do/da paciente.

Documentación a presentar

• Solicitude de reintegro de gastos en modelo normalizado (código de procedemento: SA462D-G.pdf), asinada polo usuario ou o seu representante legal debidamente acreditado, de selo caso.
• Xustificante orixinal de estancia no centro sanitario indicando os días de ingreso ou consulta.
• O centro sanitario de destino deberá acreditar a condición de persoa acompañante mediante informe xustificativo especificando a data.
• Facturas ou documentos acreditativos que xustifiquen debidamente o pagamento, dos gastos do desprazamento, no caso de realizarse en transporte público, do/da paciente e, no seu caso da persoa acompañante, tras recibir a asistencia sanitaria.
• Facturas ou documentos acreditativos que xustifiquen debidamente o pagamento, dos gastos de aloxamento e manutención do/da paciente e, no seu caso, do acompañante.
• Certificado de discapacidade emitido por unha Comunidade Autónoma distinta da Comunidade Autónoma de Galicia.
• Outros documentos acreditativos que sexan requiridos para esclarecer os feitos expostos na solicitude.

  Nunha única solicitude poderase incorporar a documentación relativa a diferentes viaxes que cumpran o prazo de presentación.

Prazo de presentación

O prazo de presentación de solicitudes será dun ano, a contar desde a data do desprazamento, e dirixirase á xerencia da área sanitaria de referencia do/da paciente.